I Butembo byakaze, Wazalendo basubiranyemo hagwa abatari bake.
Amakuru ava mu mujyi wa Butembo muri Kivu y’Amajyaruguru, mu Burasizuba bwa Repubulika ya demokarasi ya Congo, imitwe ibiri yo muri Wazalendo yasubiranyemo irarwana hapfa icumi bo muri bo.
Aya makimbirane yadutse tariki ya 03/03/2025, aho habaye ihangana rikomeye ryamaze umwanya utari muto, rikaba ryarimo ribera mu gace ka Kimeme muri Butembo.
Umuvugizi w’igisirikare wo muri ako gace yemeje iyo mirwano yavutse muri Wazalendo, avuga ikojeje isoni.
Yagize ati: “Basubiranyemo, ibyabo biteye isoni. Nimba koko bakunda igihugu, bagomba kudufasha mu ntambara turimo aho gushwana.”
Uyu muvugizi yanemeje ko muri iryo hangana haguye abarenga batandatu.
Amashirahamwe yigenga akorera i Butembo yo avuga ko hapfuye Wazalendo icumi.
Aya mashirahamwe kandi avuga ko iyo mirwano yatangiye ku gicamunsi cyo ku wa mbere isoza mu ijoro buca ari ku wa kabiri, ibyateye ubwoba ababa muri uwo mujyi wa Butembo.
Icyaba cyarateye iryo subiranomo, kugeza ubu ntikiramenyekana.
Amakuru amwe avuga ko byoba byaravuye kukuba Leta ntacyo ibahemba n’icyo babonye gike kigahekera muri bamwe, biviramo gusubiramo.
Iri subiranomo rya Wazalendo ryadutse mu gihe umutwe wa m23 bahanganye mu cyumweru gishyize wari ugeze mu birometero bidashika 100 uvuye muri uyu mujyi wa Butembo.
Uyu mutwe ukaba umaze gufata ibice byinshi byo muri iyi ntara ya Kivu y’Amajyaruguru n’iy’Epfo ahanini muri aya mezi abiri ashyize.
Imiryango mpuzamahanga iharanira amahoro ntacyo irashobora kugeraho kugira ngo igarure amahoro muri iki gihugu cya Repubulika ya demokarasi ya Congo, ni mu gihe n’abahagarariye amadini nabo bakeneye mu gufasha kugarura amahoro muri aka karere k’u Burasizuba bw’iki gihugu kamaze imyaka 30 karangwamo intambara zurudaca.