Abanyamakuru ba Al-Jazeera barenga bane bishwe barashwe.
Indege y’igisirikare cya Israel yarashe abanyamakuru batanu b’igitangazamakuru cya Al-Jazeera bahita bitaba Imana.
Amakuru avuga ko bagabweho igitero ubwo bari ku bitaro bya Al-Shifa biherereye mu ntara ya Gaza, nk’uko Al-Jazeera yabitangaje mu rukerera rwo kuri uyu wa mbere tariki ya 11/08/2025.
Abishwe ni Anas na Mohammed Qreiqeh, hamwe n’abafata amashusho Ibrahim Zaher, Mohammed Noufal na Moamen Aliwa bari mu ihema ry’abanyamakuru ku irembo ry’ibi bitaro.
Al-Jazeera dukesha iyi nkuru ikavuga ko ubwo bwicanyi bugambiriwe bwabaye ku munsi w’ejo ku cyumweru tariki ya 10/08/2025.
Nyuma y’icyo gitero, igisirikare cya Israel cyatangaje ko cyarashe kigamije kwica Anas Al-Sharif ngo kubera ko yakoze nk’umukuru w’ishami ry’iterabwoba rya Hamas.
Umwe mu banyamakuru ba Al-Jazeera yasobanuye ko Anas Al-Sharif yari umunyamakuru watumaga ibikorerwa muri Gaza bimenyekana.
Bivugwa ko muri iyi ntambara Israel irimo muri Gaza ntabwo yigeze yemerera itangazamakuru ubwisanzure, bityo amakuru y’aho ibinyamamakuru bindi bikayakesha abanyamakuru basanzwe yo.
Uriya munyamakuru wa Al-Jazeera yakomeje avuga ko abo babo barashwe bari mu ihema ryabo, ngo ntabwo barimo batara amakuru.
Avuga ko ibyo Israel yakoze ari bwo buryo yahisemo bwo gucecekesha itangazamakuru.
Bivugwa kandi ko Ana Al-Sharif w’imyaka 28 mbere yuko araswa, yari yatangaje ku rubuga rwa x, aburira abantu ko Israel igiye gukora ibitero bishya muri Gaza.
Cyobikoze, igisirikare cya Israel cyashinjaga Anas Al-Sharif kwigira nk’umunyamakuru, ariko akorana n’umutwe wa Hamas.
Kikavuga ko abanyamakuru bose bakorana na Hamas bagomba kwicwa, kandi bagashyirwa mu baterabwaba.
