Abarimo ibyamamare mu muziki muri Tanzania bahunze igihugu
Mu gihe imyigaragambyo ikomeje kuzamura ubukana mu gihugu cya Tanzania, abaririmbyi barimo n’icyamamare Diamond Platnumz berekeje iy’ubuhungiro.
Iyi myigaragambyo yatangiye ku wa gatatu muri iki cyumweru turimo, hari nyuma y’aho amatora y’umukuru w’igihugu atangiye.
Mu gukora iyi myigaragambyo n’uko Abatanzania benshi badashigikiye ukwitoza kwa perezida uriho, Samia Suluhu Hassan, banavuga ko igihe kigeze ngo nyuma y’imyaka 64 ishyaka Chama Cha mapinduzi (CCM) riri ku butegetsi ribuveho. Suluhu ubwiwe bamushinja “uguhonyora uburenganzira bwa muntu” no kwica urubozo abatavuga rumwe n’ubutegetsi bwe.
Mu bari bafite izina bazwi cyane, abo byari binazwi ko ari bo bo kwiyamamaje, Abatanzania badashaka Samia Suluhu Hassan bakabaja inyuma bangiwe kwiyamamaza batabwa mu nzu y’imbohe, abo barimo Tundu Lissu, ari na yo nkomoko y’iyi myigaragambyo.
Ni myigaragambyo imaze kwangirikiramo ibitari bike, kuko n’amakuru yashyizwe hanze ku munsi w’ejo ku wa gatanu, itariki ya 31/10/2025, yagaragaje ko imaze kugwamo abantu 700 barenga, mu gihe ababarirwa mu gihumbi bo bayikomerekeyemo.
Yabereyemo n’ubusahuzi, kuburyo nabayikoze ejo ubwo bari berekeje ku rugo rwa perezida, bageze aho batera sitasiyo ya gaz, burumwe akarengeza izo ashoboye, akazitahana iwe.
Mu gihe ikomeje gukara, ibyamamare mu muziki ndetse no mu karere, barimo Diamond Platnumz n’ikipe ye, barahunze.
Aya makuru anagaragaza ko mbere y’uko ahunga yabanje guhanagura amafoto n’amavidewo yose, ayo yari yarashyize ku mbugankoranyambaga ziwe avuga kuri perezida Samia Suluhu Hassan. Ibi yabikoze mu rwego rwo kwirindira umutekano we.
Mu bo bivugwa ko bahunganye na we, hari Wasafi Studio n’umuryango we.
Abari mu myigaragambyo barimo basaba ko ibyamamare bishigikiye Samia Suluhu Hassan kubihagarika, byabananira ibikorwa byabo bikivutwamo no guhabwa inkongi y’umuriro.
Amakuru amwe avuga ko yahungiye i Mombasa muri Kenya, andi agaragaza ko aho yahungiye hataramenyekana kugeza ubu.
Ku ruhande rumwe abigaragambya bagaragaza ko bashingikiwe n’abasirikare, ariko ahandi bakagaragaza ko barinyuma y’ubutegetsi.
Umugaba mukuru w’Ingabo z’iki gihugu, mu ijambo yatanze ku munsi w’ejo hashize yasabye ko abasirikare bahagarika abigaragambya, ariko mu mashusho berekana abari kwigaragambya barikumwe n’abasirikare. Hagataho imyigaragambyo irakomeje.
