Umutwe witwara gisirikare wa Gumino ukorera mu kwaha ku butegetsi bwa perezida Félix Tshisekedi, urimo gusaba abasore bawiyungaho maze batangire bakorere agatubutse.
Ni bikubiye mu butumwa buri gutangwa na Alexis Nyamusaraba aho arimo kubuha urubyiruko ruturiye imisozi miremire y’Imulenge, nk’uko iy’inkuru tuyikesha abaturiye ibyo bice.
Minembwe Capital News yabwiwe ko kuva ku munsi w’ejo hashize tariki ya 09/05/2024, Alexis Nyamusaraba yahamagaye urubyiruko rwo mu Kajembwe, ho muri Grupema ya Bijombo, teritware ya Uvira, mu Ntara ya Kivu y’Amajy’epfo, abasaba kuyoboka Gumino kandi abasezeranya ko uyu mutwe ugiye kuzaja uhemba abarwanyi bawo.
Nk’uko babisobanuye bavuga ko uru rubyiruko rwa bwiwe ko buri murwanyi wohasi azaja ahembwa amafaranga angana n’ibihumbi ijana by’amanyekongo (100000fc), ahwanye n’idolari 35.7 $, mu gihe abayobozi bo bazaja bahabwa ari hejuru ya 50$ ya buri kwezi.
Ibi bibaye nyuma y’uko leta ya Kinshasa mu kwezi gushize yahaye ibihembo buri mutwe w’inyeshamba ukorera mu kwaha ku butegetsi bwayo, harimo Wazalendo, FDLR na Gumino, aho buri mutwe warimo uhabwa amadolari y’Amerika angana n’ibihumbi makumyabiri na bibiri.
Uwabashe guserukira Gumino i Kinshasa ubwo ayo mafaranga yarimo atangwa, byavuzwe ko yari Koboyi, usanzwe aba mu byegera bya Alexis Nyamusaraba.
Uyu mutwe wa Gumino ahanini bikunze kuvugwa ko uyobowe na Alexis Nyamusaraba mu rwego rwa gisirikare ndetse n’urwa politiki, kuko nta munyapolitiki uratangaza ko yaba ariwe uwu bereye umuyobozi. Nyamara ikindi gihe bivugwa ko uyobowe na Colonel Richard Tawimbi, ugize igihe kirekire yibereye i Kinshasa.
Ahagana mu 2011 nibwo uyu mutwe wavutse, nyuma y’uko Colonel Venant Bisogo yari amaze kuva mu ishyamba akiyunga n’igisirikare cya Repubulika ya demokarasi ya Congo.
Rimwe narimwe abaturage b’i Ndondo ya Bijombo bavuga ko uyu mutwe utagira abarwanyi ko ahubwo ugizwe n’abayobozi gusa nabo batarenze barindwi.
Ubundi bikavugwa ko aba barwanyi boba barenze abantu 11. Hagati aho nta kuri kuzwi kuribo, kuko bakorana byahafi n’imitwe ya Maï Maï ikorera mu misozi ya teritware ya Fizi, Uvira na Mwenga, bityo ku menya umubare wabo bikagora.
MCN.
