Abarwanashaka nabatera inkunga umugambwe uri kubutegetsi mugihugu ca Uganda NRM, bakomeje kwifuriza Perezida Yoweli Kaguta Museveni gukira vuba.
Yanditswe na : Bruce Bahanda, kw’itariki 12.06.2023, saa 12:12pm, kumasaha ya Bukavu na Minembwe.
Kuruyu wa gatandatu, umugabo yanditse ubutumwa bwiza buvuga kuri Perezida Kaguta Museveni, maze ashiraho n’Ibendera rya NRM. Ubwo butumwa bwavugaga ngo “Perezida Yoweli Kaguta Museveni, akire kandi bibe vuba.” Ibi byabereye mugace ka Nakasero i Kampala.
Kuruyu wa gatatu w’icyumweru gishize, nibwo Perezida Yoweli Kaguta Museveni yipimishije Covid-19, asanga arayifite nimugihe yarimo agaragaza Ibimenyetso byayo.
Abashyigikiye Perezida Museveni n’abayoboke b’ishyaka rya NRM bifurije Perezida Museveni gukira vuba mu gihe arwaye Covid-19.
Abashyigikiye National Resistance Movement (NRM), bayobowe na Komiseri wungirije w’Umujyi wa Rubaga, RCC Anderson Burora hamwe n’umuyobozi wa Kampala Central LC3, Salim Uhuru, ntibemerewe kwinjira mu nzu ya Leta i Nakasero. Ahubwo bashyize indabyo ku irembo, maze bafata umwanya munini basengera Perezida Museveni gukira vuba, barangije kandi bashiraho ibendera ku rukuta aho abamushyigikiye banditse ubutumwa buvuga ngo: “Perezida Museveni akire vuba.”
Perezida Museveni, bakimara kumutoramo COVID-19, tariki 07.06.2023, bamutegetse kuja mukiruhuko.
Ubwo bamufatagaho ibizamini bya COVID-19 babifashe mungero zitatu bivanye nabayobozi bahura.
Gusa Muganga Dr Atwine aheruka gutangaza ko Perezida Museveni afite ubuzima bwiza.
Uwahoze ari Perezida wa Kenya Uhuru Kenyatta aganira n’umunyamakuru, yavuze ko atigeze abona Perezida arwara.
Uhuru yagize ati: “Ni ubwa mbere ariko muri rusange, ni ubufatanye dufitanye nk’Abagande kumwifuriza gukira vuba kandi tuzi neza ko Perezida yabaye ku isonga mu kurwanya Covid-19.”
Yongeyeho ati: “Yafashe ingamba zose kugira ngo arwanye Covid-19 ariko kubera ibikorwa yagiye akora, ahura n’abantu benshi hirya nohino biri mubyatumye yandura.
Naho Bwana Burora yahamagariye abifuriza ibyiza bose kubigaragariza Perezida Museveni avuga ko umuco wo muri Afrika wogusura abarwayi uhoraho ati: “Perezida yagiye atugezaho amakuru ku bijyanye nuko ahagaze ikindi mwozana indabyo zigaragariza Perezida Museveni impuhwe mumufitiye.”
Kuruyu wa gatandatu, Perezida Museveni yavuze ko yari amaze iminsi itatu arimukato mu rugo rwe kubera COVID-19.
Yagize ati : “Ndimukato ka COVID-19 murugo rwanjye iminsi itatu irashize nkomeza gukurikirana akazi kanjye . Mwijoro naratitiye ariko buke nkongera nkababara mumuhogo no k’umeneka umutwe.”
Ibi nibyo Perezida yanditse ku rukuta rwe rwa Twitter. Yongeyeho ati: “Ngira umuriro mwinshi nogukorora ariko ubwenge busanzwe bunyibutsa ko ntahungabanye.”
Bwana Museveni yagize ati: “Buri gihe nirinda ibintu bishobora kuzana ubuzima bubi, atari ukubera ko ntinya kurwara ahubwo ni uko nanga kubura imbaraga zokurwana urugamba rwo guharanira ubwisanzure bwa Afrika.”
Perezida yongeyeho ati: “Sinageze kumunsi w’intwari wokuruyu wa gatanu, aho umukobwa wacu Robinah Nabbanja Minisitiri w’intebe yarafite akazi gakomeye; Ntabwo nashoboye guhura n’abashyitsi nari natumiye ubwo nari mvuye mu gihugu cya UAE (United Arab Emirates), kandi nahagaritse gahunda yanjye yo kujya i Kisozi, kureba Inka zanjye.”
Museveni ati: “Kubwibyo, ubuzima ntabwo ari ubutunzi gusa ahubwo ni kimwe mu ntwaro turwanisha urugamba.”
