Abashinwa bavumbuye ikorana buhanga rikaze rishobora gukoreshwa nk’intwaro.
Igihugu cy’u Bushinwa cyavumbuye ikorana buhanga rishya bwakwifashisha nk’intwaro yabangamira indege z’ibindi bihugu bibanye na bwo nka mu keba.
Amakuru agaragaza ko iryo korana buhanga ari rya 6G. U Bushinwa bwa ryifashisha nk’intwaro yabangamira indege z’intambara za Amerika zo mu bwoko bwa F-35.
Nk’uko aya makuru abisobanura ni uko 6G ari ikorana buhanga rirenze irya 5G naryo ryakozwe n’u Bushinwa. Iri rya 6G rizarushaho kuba ryihuta, kandi rifite ubushobozi bwo kohereza amakuru menshi cyane, ndetse kandi rishobora gukoreshwa mu bintu byinshi birimo:
-Imashini zikoreshwa ubwenge bw’ubukorano buzwi nka Al
-Iterambere ry’itwaro n’ubwirinzi
-Ikorana buhanga ry’itumanaho ryihuse cyane nka satellite n’indege z’intambara.
Mu makuru abashakashatsi bo mu Bushinwa bashyize hanze avuga ko bakoze intwaro ya 6G ishobora kohereza ibimenyetso by’ikorana buhanga bifite ubushobozi bwo kubangamira cyangwa gupfubya imikorere y’indege z’intambara za F-35.
Bikaba bisanzwe bizwi ko izi ndege zikorwa na Leta Zunze ubumwe z’Amerika. Zizwiho gukoresha ikorana buhanga no kugaba ibitero mu buryo budasanzwe.
Ubundi kandi ibyo bimenyetso by’ikorana buhanga bishobora kwivanga mu miyoborere ya radio, Grps cyangwa radar ikoreshwa n’izo ndege.
Rero, ibi bikaba byatuma izo ndege zitabasha kubona aho ziri, cyangwa ntizimenye aho umwanzi ari, ndetse ntizibashe gutunga n’amakuru neza.
