Abasirikare b’u Burundi bashinjwa kwanga kurwanya umutwe wa M23 bakatiwe igifungo gikaze.
Ahagana ku wa Gatandatu tariki ya 22/06/2024, ubushinjacyaha bwa gisirikare bw’u Burundi bwakatiye igifungo cy’imyaka 10 n’ihazabu y’amadolari y’Amerika 800, buri umwe ku basirikare 35 banze ku rwana na M23 mu Ntara ya Kivu y’Amajyaruguru, mu gihe abandi 239 basabiwe gufungwa ubuzima bwose n’ihazabu y’amadolari y’Amerika 800 buri umwe.
Nk’uko urukiko rwa gisirikare rwabisobanuriye abari muri urwo rubanza rwavuze ko ayo madolari ari ayo kwishyura indege, ubwato n’imodoka bakoresheje bataha mu Burundi.
Ninyuma y’uko abo basirikare bari bamaze hafi ukwezi baburanishwa ku cyaha cyo kwigomeka ku buyobozi bwabo aho bari baroherejwe muri Kivu Yaruguru mu gihugu cya Repubulika ya demokarasi ya Congo.
Urubanza rw’abasirikare basaga 270 bafungiwe muri gereza nkuru ya Rutana bashinjwa gusuzugura abayobozi babo mu Burasirazuba bw’iki gihugu cya Repubulika ya demokarasi ya Congo rwari rumaze hafi ukwezi ruburanishwa, icyemezo cy’urukiko kikaba gitegerejwe nyuma y’ukwezi, nk’uko kandi byatangajwe na UBMNews.
MCN.
