AFC/M23/MRDP yabohoje uduce turenga tune muri Kivu y’Amajyepfo
Ihuriro rya Alliance Fleuve Congo, AFC/M23/MRDP-Twirwaneho rirwanya ubutegetsi bwa Repubulika ya demokarasi ya Congo, ryafashe uduce tune duherereye muri teritware za Mwenga na Walungu mu ntara ya Kivu y’Amajyepfo.
Uyu munsi ku wa gatanu tariki ya 26/09/2025, ni bwo aba barwanyi bo mu ihuriro rya AFC/M23/MRDP babohoje turiya duce.
Utwabohojwe ni agace ka Luntukulu n’inkengero zako muri teritware ya Walungu.
Naho utundi ni Ngando na i Ganda, utu twombi two duherereye muri teritware ya Mwenga, aho ihana umupaka n’iya Walungu.
Bivugwa ko ifatwa ry’utu duce ryabaye nyuma y’imirwano ikaze hagati y’Ingabo z’iki gihugu zambuwe turiya duce n’izo muri iri huriro rya Alliance Fleuve Congo, AFC/M23/MRDP ryatubohoje.
Mu cyumweru gishize na bwo AFC /M23/MRDP yafashe utundi duce turimo Nzibira izwiho ko yibitseho amabuye y’agaciro yo mu bwoko bwa Zahabu n’andi anyuranye.
Bibaye mu gihe amakuru amwe avuga ko uyu mutwe wa AFC/M23/MRDP ukomeje kwagura ibirindiro byawo werekeza muri Mwenga na Shabunda.
Ariko nubwo uri kwerekeza muri izo teritware, i Uvira abaturage bari mu ku wutabaza bawusaba kubagoboka. Ni mu gihe bakomeje guteswa na Wazalendo, FDLR, Ingabo z’u Burundi n’iza FARDC.