AFC/M23 yazindukiye mu mirwano ikaze n’ihuriro ry’ingabo za RDC.
Ihuriro ry’ingabo za Repubulika ya demokarasi ya Congo, zazindutse zigaba ibitero mu bice bigenzurwa na AFC/M23 muri teritware ya Masisi mu ntara ya Kivu y’Amajyaruguru.
Igihe c’isaha ya saa munani z’urukerera rwo kuri uyu wa gatanu tariki ya 25/07/2025, ni bwo ibitero byatangiye.
Ni ibitero amakuru avuga ko byagabwe muri Luke ho muri grupema ya Nyamaboko ya 1 muri Masisi.
Aya makuru avuga ko abarwana ku ruhande rwa Leta bagabye ibitero mu rwego rwo kugira ngo bisubize kiriya gice bambuwe mu mpera z’i cyumweru gishize.
Kugeza igihe c’isaha ya saa ine z’igitondo, humvikanaga urusaku rw’imbunda ziremereye n’izoroheje.
Iyi mirwano ngo ihangayikishije abaturage bo mu bice bihegereye. Ubundi kandi abaturage bahunze bava i Luke na Katobotobo hatari kure yahaberaga imirwano.
Ku wa gatanu w’icyumweru gishize ni bwo AFC/M23 yafashe uduce twa Katobotobo na Luke.
Hari nyuma y’imirwano yabaye ku wa mbere, ku wa kabiri ndetse no ku wa gatatu mu bice by’iburengerazaba bwa Masisi.