Kuri uyu wa Gatatu tariki ya 29/05/2024, habaye urugamba hagati ya M23 n’ihuriro ry’Ingabo zirwana ku ruhande rwa leta ya Kinshasa.
Ni urugamba rwabereye mu bice byo muri teritware ya Rutshuru, mu Ntara ya Kivu y’Amajyaruguru, nk’uko iy’inkuru tuyikesha abaturiye ibyo bice.
Iyi nkuru ivuga ko iyi mirwano yabereye neza mu gace ka Burundule, Mirangi no mu nkengero zutu duce.
Byanasobanuwe ko uru rugamba rwari ruhanganishije M23 n’ihuriro ry’Ingabo zirwana ku ruhande rwa leta ya perezida Félix Tshisekedi Tshilombo rwaje gukomereza mu gace kari hagati ya Kikuku na centre ya Kanyabayonga muri teritware ya Rutshuru.
Ay’amakuru akomeza avuga ko M23 yabashe gusubiza inyuma ibi bitero by’i huriro ry’Ingabo za Guverinoma ya Kinshasa; ndetse ko iri huriro ryahise riyabangira ingata rihungira mu misozi yu namiye aka gace ka Kikuku.
Ay’amakuru avuga ko kandi ibi bitero byari byagabwe mu birindiro bya M23 bigabwe n’iri huriro ry’ingabo za RDC.
Ibyo bibaye mu gihe M23 isatira gufata centre ya Kanyabayonga ndetse kuri ubu bikaba biri kuvugwa ko iri gukoza imitwe y’intoki kuri iyi centre ifatwa nk’iyingenzi muri teritware ya Rutshuru mu Ntara ya Kivu Yaruguru.
Tu bibutsa ko grupema ya Kanyabayonga niyo yonyine isigaye itarafatwa na M23, mu gihe izindi Grupema zigize teritware ya Rutshuru zamaze kwigarurirwa n’ingabo z’uyu mutwe.
MCN.