Amashyaka 12 atavuga rumwe n’ubutegetsi bwa RDC yahagaritswe
Guverinoma ya Repubulika ya demokarasi ya Congo yahagaritse amashyaka 12 atavuga rumwe na yo.
Byatangajwe na minisitiri w’umutekano w’imbere mu gihugu, Jacquemain Shaban, ku wa gatanu, itariki ya 31/10/2025.
Avuga ko amashyaka yahagaritswe arimo irya PPRD, ryashinzwe na Kabila wayoboye RDC imyaka 18 kuva mu 2001 kugeza muri 2019, LGD rya Augustin Matata Mponyo na we wahoze ari minisitiri w’intebe, UDA rya Claude Lubaya wabaye umudepite na Piste rya Seth Kikuni.
Harimo kandi AAP rya Theophile Mbemba wabaye minisitiri w’umutekano w’imbere, MCPR ya Jean Claude Vuemba, ATD rya Joseph Makila wabaye guverineri w’intara ya Equateur, MLP rya Frank Diongo, n’andi.
Shabani yavuze ko aya mashyaka bayashinja kurenga ku mahame menshi agenga amashyaka arimo gusigasira ubumwe bw’abanegihugu ubusugire n’umutekano.
Yasabye urukiko rushinzwe kurengera itegeko nshinga rya RDC gusenya aya mashyaka, hashingiwe ku ngingo y’itegeko rigenga amashyaka.
Urebye aya mashyaka yahagaritswe nayibumbiye mu ihuriro rya “Movement Sauvons la RDC,” Joseph Kabila n’abamushigikiye baheruka gushinga, aho bari shingiye i Nairobi muri Kenya.
Ni ihuriro rivuga ko rigamije ugukiza igihugu cyabo, ni mu gihe bashinja ubutegetsi buriho kugita mu manga no mu kaga gakomeye.
