Azarias Ruberwa wigezeho kuba visi perezida wa RDC, yagize icyavuga ku Banyamulenge baguye mu Gatumba.
Hari mu muhango wabereye muri States ya Arizona yo muri Leta Zunze Ubumwe z’Amerika aho Abanyamulenge baturiye icyo gihugu bibutse ku nshuro ya 20, Abanyamulenge baguye mu Gatumba mu gihugu cy’u Burundi, Ruberwa yavuze ko Abanyamulenge batangiye kwicwa kuva kera, kandi ko n’ubu bagikomeje kwicwa, bityo abasaba kw’irwanaho.
Uyu muhango wabereye muri States ya Arizona wakozwe ahar’ejo tariki ya 10/08/2024.
Mu butumwa bw’amashusho bwagiye bushirwa hanze, bugaragaza ko muri uwo muhango hitabiriye abashitsi benshi kandi barimo na bamwe mu bategetsi b’Abanyamerika, nk’uwitwa Dr Gregory Stanton uri mu bakurikiranira hafi ubwicanyi bugenda bukorerwa hirya no hino ku Isi.
Hari kandi na Alondora Lopez ndetse n’abandi banyacyubahiro batandukanye barimo na Azarias Ruberwa Manywa waje no guhabwa ijambo muri uyu muhango.
Muri bimwe Azarias Ruberwa yavuze, yagaragaje ko Abanyamulenge batangiye kwicwa kuva mu mwaka w’ 1964 na nyuma yaho.
Yagize ati: Njye nkiri umwana muto, n’abonye Abanyamulenge batotezwa kandi bazira ubwoko bwabo. Si none Abanyamulenge gusa bishwe, oya byatangiye kera cyane.”
Bizwi ko hari Abanyamulenge biciwe ahitwa ku Gatongo, Kirumba, Kabera n’ahandi. Aba bagiye bicwa mu bihe bitandukanye hagati mu myaka ya 1964 na 1996.
Usibye kuvuga ko Abanyekongo bo mu bwoko bw’Abanyamulenge ko batangiye kwicwa kera, Ruberwa yanashimiye Twirwaneho iyobowe na Colonel Rukunda Michelle wa mamaye ku mazina ya Makanika, avuga ko bitanze bamena amaraso yabo, ndetse anasaba ko Abanyamulenge bagomba kw’irwanaho kugira ngo birindire umutekano wabo.
Ati: Ndashimira Twirwaneho yitanze imena amaraso yabo, rero, natwe tugomba kwitanga tukaba ba Nehemiya b’Imulenge.”
Azarias Ruberwa Manywa yabayeho visi perezida wa Repubulika ya demokarasi ya Congo, mu mwaka w’ 2003 kugeza 2006 , nyuma yaje kugenda ahabwa indi myanya ikomeye muri leta ya Kinshasa aho yanabayeho minisitiri wa décentralisation et Réformes.
Ruberwa yavukiye mu gace k’i Mulenge kitwa Rugezi ni muri teritware ya Fizi mu Ntara ya Kivu y’Amajy’epfo. Akaba yaravutse mu mwaka w’ 1964.
Kuri ubu asigaye atuye mu gihugu cya Leta Zunze Ubumwe z’Amerika n’umuryango we.
MCN.