Baratabariza Col. Abuta umerewe nabi aho afungiwe i Kinshasa
Umuryango wa Colonel David Abuta Banza uramutabariza, nyuma y’aho umenye ko aho afungiwe i Kinshasa ahababariye bikomeye.
Ni mu butumwa umuryango we watanze ukoresheje inyandiko zitabariza Col.Abuta umaze igihe afungiwe muri DEMIAP i Kinshasa.
Nk’uko umuryango we ubigaragaza muri ubu butumwa uvuga ko Col.Abuta amaze amezi abiri afunzwe.
Ukavuga ko yafashwe n’abasirikare bo mu ishami ry’iperereza, aho banamaze n’ iminsi ba mutesezereza muri DEMIAP. Binasiga bimugizeho ingaruka zikomeye kuburyo kuri ubu arwaye ibisebe.
Amakuru y’uyu muryango akomeza avuga ko wamenye amakuru y’uko amaze iminsi mike akuwe muri DEMIAP, ajanwa gufungirwa muri gereza nkuru ya Makala.
Abuta ni uwo mu bwoko bw’Abapfulero, avuka muri Kivu y’Amajyepfo. Ni n’umusirikare wakoreye igihe kinini muri iyi ntara avukamo.
Umugore we anatuye i Bukavu ahazwi nk’umurwa mukuru w’iyi ntara ya Kivu y’Amajyepfo.
Ifatwa rya Col.Abuta, nk’uko aya makuru abisobanura rikomoka kukuba muri telefone ye barasanze aganira na Colonel Mitabu wo mu mutwe wa Twirwaneho, ndetse n’abandi bayobozi bo muri uyu mutwe batandukanye.
Ndetse kandi rifitanye isano no kuba abafitanye isano ryahafi na we nka Namunene na General Rushaba bo muri Mai Mai baheruka kwiyunga ku mutwe wa AFC/M23/MRDP ugambiriye “ugushyiraho iherezo rya nyuma ubutegetsi bw’i Kinshasa.”
Basoje bavuga ko uwabo yorekurwa, ngo kuko ibyo azizwa ntashingiro bifite. Bakanasaba ko ababifitiye ububasha bobavuganira bakamubarekurira.