Bombori bombori mu ihuriro rya Radi muri Kivu y’Amajy’epfo, ihuriro rirwanya Abanyamulenge.
Ihuriro rya Radi, rihuriyemo imitwe yitwaje intwaro ya Maï Maï muri Kivu y’Amajy’epfo, ryavutsemo amacakubiri akomeye, bamwe bita abandi M23.
Amacakubiri yavutse muri iri huriro rya Radi, yatangiye mu minsi mike ishize nyuma y’aho ubutegetsi bwa Kinshasa butegetse ko uwitwa Bukuru ayobora iryo huriro.
Bukuru ni uwo mu bwoko bw’Abapfulero, akaba mwene Ngwata uvukana n’uwiyita General Rushaba.
Uruhande rwa Gen Makanaki rushigikiwe n’indi mitwe ya Maï-Maï irimo uyobowe na Colonel Ilunga, Yakobo na Mika, rwanze kuyoborwa na Bukuru, rumushinja gukorana byahafi n’umutwe wa M23 urwanira mu Ntara ya Kivu y’Amajyaruguru, ukaba urwanya ubutegetsi bwa perezida Félix Tshisekedi.
Amakuru akavuga ko uru ruhande rwa Gen Makanaki rusaba ubutegetsi bwa Kinshasa kubaha umuyobozi uvuka i Kinshasa, bityo akaba ari we uyobora iri huriro rya Radi muri Kivu y’Amajy’epfo.
Mu gihe uruhande rurimo Gen Rushaba, Gen Hamuri Yakutumba, Col Ngomanzito, Rene n’abandi, rushigira ko bayoborwa na Bukuru.
Uru hande rushigikiye kuyoborwa na Bukuru, ruvuga ko ari ibyingenzi kuyoborwa n’umuntu uvuka mu karere bavukamo, kandi ko ari byo bifite agaciro kenshi kuruta uko boyoborwa n’umuntu uvuka i Kinshasa, ni mu gihe Leta yashakaga yashakaga kumva icyifuzo cy’uruhande rudashaka Bukuru.
Kimweho, biravugwa ko hateganyijwe imishyikirano izahuza abo muri iyo mitwe, kandi ko izabera mu bice byo muri teritware ya Uvira. Ndetse aya makuru akavuga ko ikiyitindije, ngo nuko uyu muyobozi Bukuru kuri ubu ari i Goma aho yari yitabiriye ibiganiro bya Wazalendo, biheruka kubera i Walikale.
Ariko kandi uruhande rwa Makanaki na Ilunga rukaba kera rwaramaze kugeza ikirego ku muyobozi wa FARDC uyoboye Secteur sokola 2, Sud-Kivu, i Buvira.
Ni ikirego amakuru agera kuri Minembwe.com avuga ko urwo ruhande rwashinje Bukuru n’abamushigikiye gukorana na M23, ndetse bagaragaza ko yumvikana na Nyamusaraba usanzwe y’iyita Colonel wo mu mutwe wa Gumino.
Hari n’andi makuru avuga ko uru ruhande rwa Ilunga na Makanaki rwamaze gucengera mu barwanyi ba Maï-Maï , aho ruri kwiyegereza abarwanyi bagiye bakora amanyanga mu mitwe bahozemo, hari nk’umurwanyi wahoze kwa Ngomanzito witwa Aimable Naburinzi, uwo yahoze ari we ukuriye ikigega muri uwo mutwe nyuma aza kubambura, ni ko guhita ahunga. Uwo bamwiyegereje, afatanyije nabo guharabika uruhande rwa Bukuru.
Ibi bikaba byongeye guteza imvurururu n’amacakubira muri Maï-Maï, ndetse no mu miryango abo barwanyi bavukamo.
