Byakaze, uwahoze ari umugaba mukuru w’ingabo za RDC, ari mu mazi abira.
General Christian Tshiwewe wahoze ari umugaba mukuru w’Ingabo za Repubulika ya demokarasi ya Congo yatawe muri yombi.
Ni amakuru yatangiye kuvugwa kuva ku mugoroba w’ahar’ejo ku wa gatatu, aho ahamya ko uyu wahoze akuriye igisirikare cya Congo ko yafunzwe.
Nk’uko aya makuru abivuga agaragaza ko afungiwe ahantu hatazwi, kandi ko mbere yuko afatwa ku rugo rwe ruherereye mu mujyi wa Kinshasa, habanje kugotwa n’ingabo zirinda umukuru w’igihugu.
Binavugwa kandi ko atari Gen.Tshiwewe wenyine wafashwe, ahubwo ko hafashwe n’abasirikare bamwe mubakuru bari mu bamurindira umutekano, ndetse n’abo mu muryango we.
Amakuru Minembwe Capital News ikura ahantu hizewe agira ati: “Hafunzwe General Tshiwewe n’undi witwa Tambwe wari umwanditsi we n’abandi basirikare bakuru bo mu bamurinda.”
Aya makuru akomeza avuga ko General Tshiwewe azira kuba yaravuganye kuri telefone n’umuhuza bikorwa w’ihuriro rya Alliance Fleuve Congo, AFC/M23, Corneille Nangaa.
Ni mu gihe iri huriro rya AFC/M23 bizwi ko ahanini rigamije gushyiraho akadomo kanyuma ubutegetsi bwa perezida Felix Tshisekedi.