• About Us
  • Privacy Policy
Wednesday, November 18, 2026
  • Login
Minembwe Capital News
  • Home
  • Conflict & Security
  • Regional Politics
  • World News
  • sport & entertainment
No Result
View All Result
  • Home
  • Conflict & Security
  • Regional Politics
  • World News
  • sport & entertainment
No Result
View All Result
Minembwe Capital News
No Result
View All Result
Home Regional Politics

Che Guevara wa FDLR Yasobanuye Ubufatanye bwa FDLR na FARDC mu Bucuruzi bw’Amabuye y’Agaciro

Bahanda Bruce by Bahanda Bruce
November 29, 2025
in Regional Politics
0
Che Guevara wa FDLR Yasobanuye Ubufatanye bwa FDLR na FARDC mu Bucuruzi bw’Amabuye y’Agaciro
72
SHARES
1.8k
VIEWS
Share on FacebookShare on TwitterShare on Whatsapp

Che Guevara wa FDLR Yasobanuye Ubufatanye bwa FDLR na FARDC mu Bucuruzi bw’Amabuye y’Agaciro

Lt Col Mpakaniye Emilien, uzwi nka Che Guevara Jacob mu mutwe wa FDLR, yatanze ubuhamya bushya bugaragaza uburyo uyu mutwe n’ingabo za Repubulika ya Demokarasi ya Congo (FARDC) bakomeje gufatanya mu bucuruzi bw’amabuye y’agaciro no mu bikorwa by’urugamba bigamije guhungabanya umutekano w’u Rwanda.

Ibi yabigarutseho tariki ya 28/11/2025, ubwo yagiranaga ibiganiro n’abajyanama mu bya gisirikare bo muri z’ Ambasade zitandukanye zikorera mu Rwanda, abereka inzira z’ubucuruzi butemewe bw’amabuye y’agaciro bukorwa na FDLR.

Lt Col Mpakaniye, wari ushinzwe ibikorwa by’amabuye y’agaciro muri FDLR kuva mu 2008 kugeza mu 2010, yavuze ko uyu mutwe wagendaga wibonera amafaranga binyuze mu mabuye akurwa mu birombe bikize muri Kivu, ku bufatanye n’abasivili n’abasirikare ba FARDC.

Yagize ati:

“Nari nshinzwe gushaka amabuye y’agaciro kuva mu 2008 kugeza mu 2010. Twakuraga amabuye mu birombe bya Rubaya, Bisie muri Walikale no muri Kivu y’Amajyepfo. Twakoraga ku bufatanye n’Abanye-Congo barimo abasirikare na basivili. Ayo mabuye yaragurwaga, amafaranga akagurwa intwaro.”

Yavuze ko iyi mikorere ari yo yatunze FDLR igihe kirekire, ikayigenera intwaro n’ibikoresho, aho ubucuruzi bwayo butemewe bwari “intwaro ikomeye mu gukomeza intambara.

Uyu wahoze ari umwe mu bayobozi muri FDLR yahamije ko uyu mutwe w’iterabwoba utari kubaho iyo nta bufasha bwa FARDC.

Yagize ati:

“Iyo Leta ya RDC iba idakorana na FDLR, uyu mutwe ntuba ukiriho. FARDC iha FDLR intwaro n’amasasu kugira ngo ikomeze urugamba. Bavuga ko FDLR ibafasha kurwanya umwanzi.”

Yongeyeho ko intwaro FARDC iha FDLR atari izo kubafasha mu ntambara zo mu burasirazuba bw’icyo gihugu gusa, ahubwo ko hari n’izigenewe ibikorwa byo gutera u Rwanda.

Ibi bije kongerera ingufu ibivugwa na raporo z’inzobere za Loni zimaze imyaka myinshi zigaragaza ihuriro rihamye hagati ya FARDC na FDLR mu bikorwa by’ubucuruzi bw’amabuye y’agaciro n’ubutumwa bwa gisirikare.

Mpakaniye yavuze ko ubwo yari akiri muri RDC, yizeraga ko FDLR ifite impamvu zifatika zo kurwanya u Rwanda, ariko ko yaje gusobanukirwa ukuri nyuma yo gutaha no guhabwa amahugurwa mu kigo cya Mutobo gicumbikira abahoze mu mitwe yitwaje intwaro.

Yagize ati:

“Natekerezaga ko dufite impamvu yo gutera u Rwanda, ariko kuva nagera hano nasanze FDLR nta mpamvu ifite. Ibyo yatubwiraga byose byari ibinyoma. Nari mfite ubwoba ko nzahura n’ibibazo, ariko igihugu cyadufashe neza, kiduha ibyangombwa n’ubufasha.”

Kugeza mu kwezi kwa munani 2025, FDLR yari igizwe n’abarwanyi bari hagati ya 7.000 na 10.000, benshi muri bo bakorera mu Ntara ya Kivu y’Amajyaruguru no mu y’Amajyepfo.

Tariki ya 14/10/ 2025, abayobozi bakuru bayo barimo: Lt Gen Byiringiro Victor,
Pacifique Ntawunguka (Gen Omega), aba bari bakiri mu gace ka Walikale, imwe mu ntara zikungahaye ku mabuye y’agaciro arimo Gasegereti, Coltan na Wolfram, aho FDLR imaze imyaka myinshi ikorera ibikorwa byayo bya gisirikare n’ubucuruzi.

Ubuhamya bwa Che Guevara Jacob bukomeza gushyira ku karubanda imikoranire iri hagati ya FARDC na FDLR, kandi byongera guhamya ko ibikorwa by’uyu mutwe bitungwa n’inyungu zishingiye ku mabuye y’agaciro no ku miyoborere mibi ikomeje kuranga uburasirazuba bwa RDC.

Tags: Amabuye y'AgaciroFardcFDLR

Browse by Category

  • Conflict & Security
  • Regional Politics
  • Religion
  • Shop & Explore
  • sport & entertainment
  • Uncategorized
  • World News

Minembwe Capital News

MINEMBWE DUTANGAZA AMAKURU ATOHOJE KANDI YIZEWE Y'I MULENGE NO MU KARERE, NDETSE NO KU ISI HOSE.

CATEGORIES

BROWSE BY TAG

Conflict & Security Regional Politics Religion Shop & Explore sport & entertainment Uncategorized World News
  • About Us
  • Home
  • Privacy Policy

© 2026 Minembwe Media.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
No Result
View All Result
  • Home
  • Regional Politics
  • Conflict & Security
  • World News
  • About Us
    • Privacy Policy

© 2026 Minembwe Media.

Not enough quota to unlock this post
Unlock left : 0
Are you sure want to cancel subscription?