Kuri uyu wa Kane, tariki ya 04/01/2024, ubuyobozi bw’u mutwe wa Alliance Fleuve Congo (AFC), uheruka kuvuka vuba, wa buriye Ingabo z’u muryango w’iterambere w’Afrika y’Amajy’epfo (SADC), ko ubufasha bwabo butazabuza ko bashiraho iherezo ubutegetsi bwa perezida Félix Tshisekedi.
Ingabo za SADC, zoherejwe mu Burasirazuba bwa Repubulika ya Demokarasi ya Congo, tariki ya 15/12/2023, aho zaje gufasha leta ya Kinshasa kurwanya Inyeshamba zo mu mutwe wa M23.
Ibi byemejwe n’umuvugizi w’Ingabo z’Afrika y’Epfo, Barabara Lopi, ubwo yakoranaga iki ganiro n’ikinyamakuru cya Daily Maverick, yagize ati: “Misiyo y’Ingabo za SADC, yatangiye tariki ya 15/12/2023, kandi ikigenderewe ni ugufasha leta ya Kinshasa guhasha umutwe w’inyeshamba wa M23.”
Nyuma y’uko hatangajwe ibya SADC, Nangaa, ukuriye umutwe wa AFC, yahise asaba ibihugu bigize umuryango w’Afrika y’Amajy’epfo SADC, gukorera munyungu z’Abaturage abo ahamya ko bahemukiwe na perezida Félix Tshisekedi, mu matora y’umukuru w’igihugu yo kw’itariki 20/12/2023.
Corneille Nangaa, yanavuze ko perezida Félix Tshisekedi, yagambaniye Ingabo z’u muryango w’Afrika y’iburasirazuba (EACRF), azirukana k’ubutaka bwa Republika ya Demokarasi ya Congo, mugihe zari zaragiye ku mufasha kugarukana amahoro mu Burasirazuba bwa RDC.
Yahise anahishurira SADC, ko perezida Félix Tshisekedi, agiye kwirukana Ingabo z’u muryango w’Abibumbye MONUSCO, ziri mu butumwa bwo kubunga bunga amahoro muri RDC, kuva mu mwaka w’2004.
Nangaa, aha niho yaburiye SADC ko byanze bikunze ubutegetsi bwa perezida Félix Tshisekedi, bugiye gushirwaho akodomo.
Yagize ati: “Turizeza SADC n’Ingabo zayo ko tuzi neza imikoranire yabo na leta ya Kinshasa kandi vuba turashiraho iherezo k’u butegetsi bwa Tshisekedi.”
Umutwe wa AFC, wavukiye mu gihugu ca Republika ya Kenya, aho washinzwe na Corneille Nangaa, w’igeze kuyobora Komisiyo y’igenga ishinzwe gutegura Amatora CENI, muri Repubulika ya Demokarasi ya Congo, ahagana mu mwaka w’2018.
Nangaa, kuri ubu aherereye i Rutsuru, mu Ntara ya Kivu y’Amajyaruguru.
Bruce Bahanda.