Corneille Nangaa uyoboye Alliance Fleuve Congo yatangaje ko nta kabuza umutwe we uzavanaho ubutegetsi bwa perezida Félix Tshisekedi.
Ni byo Corneille Nangaa yagarutseho mu kiganiro yagiranye n’ikinyamakuru cya La libre, kuri uyu wa Gatandatu wi Cyumweru gishize, tariki ya 17/02/2024.
Corneille Nangaa yashimangiye ko ubutegetsi bwa perezida Félix Tshisekedi ko bwaranzwe n’ubwicanyi, gukoresha nabi inzego zubutabera, ivangura moko no guhungabanya umutekano w’u Burasirazuba bwa Repubulika ya demokarasi ya Congo.
Nangaa yagize ati: “Tshisekedi niwe wateye umutekano muke, ategura imitwe y’itwaje imbunda n’ubwicanyi bwa korewe Abasivile. Wibuke n’uko Wazalendo bishwe barashwe n’abasirikare bashinzwe kurinda u mukuru w’igihugu i Goma, mu kwezi kwa munani, umwaka w’2023. Tshisekedi akwiye kubazwa urupfu rwa ba general barimo Delphin Kahimbi, Timothée Mukunto, kimwe na Ange Matondo na William Ngoy wapfiriye mu rwego rw’u batasi.”
Yavuze ko ubutegetsi bwa perezida Félix Tshisekedi buteje ikibazo imbere mu gihugu mu karere iki gihugu cya Repubulika ya demokarasi ya Congo giherereyemo, ndetse no k’urwego mpuzamahanga. Nangaa asobanura ko ihuriro ry’i Shyaka rya Alliance Fleuve Congo ko ryabayeho kugira ngo rikureho ubwo butegetsi bu teje akaga ku rwego mpuzamahanga no mu gihugu imbere.
Nangaa wahoze akuriye aka Nama gashinzwe gutegura amatora muri Repubulika ya demokarasi ya Congo, yanasobaniriye umunyamakuru wari umwibukije ko ingabo za SADC ko zagiye gufasha igisirikare cya leta ya perezida Félix Tshisekedi, avuga ko nta mpungenge ziriya ngabo za SADC ziteye ngo kuko ntacyo zabakoraho mu gihe intambara iri kubera muri RDC ishingiye ku bibazo biri hagati ya banyekongo.
Ati: “Tuzajya i Kinshasa gukuraho abantu bishimira ivangura moko, dushireho iherezo kuri ubu butegetsi bubi.”
Yavuze kandi ku kuba ihuriro ry’ishyaka rye ryifuza ibiganiro na leta ya Kinshasa, ariko asobanura ko ibyo leta ya Kinshasa itabikozwa.
Uyu munyapolitike uvugwa cyane muri iki gihe Corneille Nangaa mu gusoza iki kiganiro yabwiye umunyamakuru wa La libre ko perezida Félix Tshisekedi yarenze imirongo itukura yose ngo kandi ayirenga inshuro ninshi ku biteganywa nitegeko nshinga, asuzuguza igisirikare cy’igihugu imbere y’amahanga, bityo rero ngo icyo akwiye ni ugufungwa, akabazwa ibibi byose yakoze.
Yagize ati: “Nta kabuza Perezida Félix Tshisekedi azafungwa abazwe ubuhemu yahemukiye igihugu.”
Nangaa yatangaje ibi mugihe u Mujyi wa Goma wugarijwe n’ibibazo by’i ntambara aho ndetse kuri ubu abaturage bavuga ko inzara ibamereye nabi, nyuma y’uko M23 itandukanije uwo Mujyi na za teritware zigize i Ntara ya Kivu y’Amajyaruguru.
MCN.
