Depite Rukema yagaragaje ko ashigikiye Wazalendo bica benewabo.
Umudepite ku rwego rw’igihugu, muri Republika ya demokorasi ya Congo, Levis Rukema, yagaragaje ko ashigikiye ingabo z’iki gihugu na Wazalendo, abo benewabo bashinja ku bica no gusahura ibyabo mu Burasirazuba bwa RDC.
Ku wa gatanu wa kiriya cyumweru gishize ni bwo Levis Rukema yakiriwe i b’Uvira muri Kivu y’Epfo, akaba yarahageze avuye i Kinshasa ku murwa mu kuru w’iki gihugu cya Congo.
Nyuma yaje kugirana ikiganiro n’abaturage baturiye aka gace, aho yanabasabye ko bagomba gukunda Leta yabo no gushyigikira ingabo zabo(FARDC), ndetse abakurira inzira ku murima ko utazashigikira Wazalendo na FARDC azahigwa kugeza yishwe.
Yagize ati: “FARDC iriho, izahoraho, muyishyigikire. Kandi n’imitwe yitwaje intwaro ikorana na Leta, nayo iriho izahoraho. Kandi bose ni Abazalendo.”
Yunze muriri, maze agira ati: “Udahaguruka kurwanya umutwe wa M23, uwo ni umwanzi w’iki gihugu. Tuzamurwanya.”
Levis Rukema, akomoka mu misozi miremire y’i Mulenge muri Kivu y’Epfo, ni umudepite watorewe muri teritware ya Uvira; yakanguriye Abanya-b’Uvira gukunda Wazalendo mu gihe bashinjwa kwica abasivile, kandi ahanini bica benewabo Abanyamulenge.
Mu byegeranyo byagiye bishyigwa hanze mu myaka itatu ishize, bigaragaza ko Maï-Maï ari yo yahindutse Wazalendo, kuva mu mwaka w’ 2017 kugeza 2019, yishe Abanyamulenge bagera ku bihumbi bibiri, mu gihe inka zabo zo imaze kunyaga zibarirwa mu bihumbi amagana.
Ibyo byegeranyo kandi bivuga ko imihana y’aba Banyamulenge imaze gusenywa n’ibitero bya Wazalendo, ibarirwa mu magana. Harimo iherereye mu karere ka Rurambo, i Ndondo ya Bijombo, i Cyohagati, Minembwe, Mibunda na Bibogobogo.
Rukema, ubwo yatangaga iki kiganiro, umutwe wa M23 yavugaga ko bagomba ku wurwanya, warimo urwanira mu nkengero z’u mujyi wa Goma.
Uyu mutwe ku wa mbere w’iki cyumweru turimo, ni bwo waje kwigarurira umujyi wa Goma n’inkengero zayo, nk’uko itangazo ry’ubuyobozi bw’uyu mutwe ribivuga iryo washyize hanze muri icyo gitondo.
Hagataho, uyu mutwe ukomeje imirwano aho urimo kwerekeza muri Kivu y’Amajy’epfo ibarizwamo na teritwari ya Uvira aho Rukema aherereye kuri uyu munsi.
