FARDC na Maï Maï bafunze Abanyamulenge barenga 5 mu Cyohagati.
Abagabo 6 bo mu bwoko bw’Abanyamulenge, baribahungishije Inka zabo Maï Maï mu Mikenke, bafashwe n’abasirikare ba Repubulika ya demokarasi ya Congo (FARDC) na Maï Maï; kuri ubu bafunzwe nabi mu Mikenke, nk’uko amakuru ava muri ibyo bice abivuga.
Igihe cy’isaha ya saa ine z’igitondo cyo kuri uyu wa gatandatu tariki ya 30/11/2024, ni bwo Abungeri b’inka bo mu bwoko bw’Abanyamulenge bahagaritswe na Maï Maï, ku bufasha bw’Ingabo za Leta ya Kinshasa.
Nk’uko iy’i nkuru ibisobanura, ku wa gatanu tariki ya 29/11/2024 mu Mikenke hageze abarwanyi ba Maï Maï benshi, ni nyuma y’uko FARDC ku wa kane yari yateye abaturage ba Banyamulenge mu Kalingi yicamo abasivile bane. Ibyatumye Twirwaneho itabara abaturage, birangira ingabo za FARDC nyinshi ziguye muri iryo hangana, nubwo umubare nyawo wabapfuye utaramenyakana, usibye ko biri kuvugwa ko hoba harapfuye 28 bo mu ruhande rw’ingabo za Leta, ariko uyu mubare ushobora kurengaho.
Aya makuru anavuga ko Maï Maï kuza mu Mikenke ari nyinshi, byari ukugoboka ingabo za FARDC kugira ngo zikomeze ibitero ku Banyamulenge, ari nabyo byatumye aba bungeri b’inka bakenera guhungisha Inka zabo. Ubwo bari bazerekeje mu Mikarati, ni bwo bahise bafatwa, ndetse n’inka zabo zibanza gushyirwa ku ruhande, usibye ko zaje kongera guhabwa Abanyamulenge bari baje kureba ibyabaye.
Iz’inka zari zivanywe mu Mikenke ahari hagaragaye Maï Maï nyinshi, zijanwe mu bice byo mu Mikarati. N’inka zibarirwa mu mirongo; banyirazo bafunzwe bo, ni 6. Hari uwitwa Bagaza Muganga, Mfashingabo, Muntu, umuhungu wa Muntu n’Umwengeri wabo.
Bibaye mu gihe guhohotera Abanyamulenge bikomeje kuba bibi mu misozi miremire y’Imulenge muri kivu y’Epfo, mu Burasirazuba bwa Repubulika ya demokarasi ya Congo, ikibabaje muri ibyo n’uko bahohoterwa n’ingabo z’igihugu mu gihe arizo zakabarengeye.
Ikindi kandi n’uko byongeye kurushaho kuba bibi nyuma y’uko bitangiye kuvugwa ko Guverinoma y’iki gihugu yahamagaye interahamwe kuja muri Rurambo(aha ni mu misozi ya Uvira). Bikavugwa ko ubutegetsi bwa perezida Félix Tshisekedi bwaba buri gutegura kwica no gutsemba aba Banyamulenge.
