FARDC n’Abambari Bayo mu Minota Zero Bakuswe Izakabwana
Minembwe Capital News (MCN)
Amakuru ava mu gace ka Nyaruhinga, mu burasirazuba bwa Centre ya Minembwe, aravuga ko ingabo za FARDC, zifatanyije n’ingabo z’u Burundi, imitwe ya Wazalendo, FDLR ndetse n’abacanshuro, zagabye igitero ku baturage, maze abasirikare ba FRN bagatabara.
Nk’uko amakuru MCN yahawe abivuga, izo ngabo zagabye igitero zifite umugambi wo kwigarurira agace ka Nyaruhinga, ariko zihita zisanganizwa n’umuriro w’imbunda, bituma zisubira inyuma.
Amakuru aturuka ku batangabuhamya bavuganye na MCN agaragaza ko iyi mirwano itamaze umwanya munini, kuko abasirikare ba FRN bahise batabara, bagasubiza inyuma ingabo zari zagabye igitero muri ako gace.
Umwe mu bitabiriye iyi mirwano yagize ati: “Muri Nyaruhinga ni ho adui ateye, ariko yahise asubira inyuma. FRN imuhaye nyina.”
Iyi mvugo y’uyu mutangabuhamya igaragaza uko asobanura ibyabereye muri ako gace, aho avuga ko igitero cyahise gisubizwa inyuma mu gihe gito.
Minembwe Capital News (MCN)