FRN Ishyize Kinshasa ku Gitutu: Itangaje Icyemezo Gikomeye ku Ntambara n’Ibiganiro bya Doha
Minembwe Capital News (MCN)
Ihuriro rya Front pour la Refondation de la Nation (FRN), binyuze ku muvugizi waryo, Lawrence Kanyuka, ryatangaje ko rikomeje gushyigikira inzira y’ibiganiro by’amahoro bya Doha, bigamije gushaka umuti urambye w’ibibazo bya politiki n’umutekano biri muri Repubulika Iharanira Demokarasi ya Congo (RDC).
Mu itangazo ryashyizweho umukono na Lawrence Kanyuka, Umuyobozi w’Ishami ry’Itumanaho akaba n’umuvugizi wa FRN, ryatangiwe i Goma kuri uyu wa 04/11/2026, iryo huriro ryagaragaje ko, nubwo rikomeje gushyigikira inzira y’amahoro, ritazemera gukomeza kugabwaho ibitero ridafashe ingamba zo kubyitwaramo.
FRN yavuze ko itazaguma mu mwanya wo kurebera mu gihe ibitero bikomeje kuyigabwaho. Yashimangiye ko ifite uburenganzira bwo gufata ingamba zose za ngombwa mu rwego rwo kurinda ibice ivuga ko yabohoye no kurengera abasivili bashobora guhura n’ibikorwa bibashyira mu kaga, hatitawe ku ruhande ibyo bikorwa byaturukaho.
Uturere FRN yagaragaje mu itangazo
Muri iryo tangazo, FRN yanagaragaje uduce dutandukanye two mu burasirazuba bwa RDC, iyashyira mu byiciro bibiri by’ingenzi:
- Mu turere twa Masisi na Walikale:
- Katoyi
- Bihiri
- Kazinga
- Bulewusa
- Lusamambo
- Kateku
- Kanune
- Kalonge
- Kinyumba
- Peti
- Mizenze (Pinga)
- Mu karere ka Lubero:
- Kandole
- Mbyanzi
- Kitchanga
- Pitakongo
Mu gusoza, FRN yongeye gushimangira ko yiyemeje gukomeza gushyigikira ibiganiro bya Doha no gushaka igisubizo cya politiki kirambye ku bibazo byugarije RDC. Icyakora, iryo huriro ryavuze ko rizakomeza gufata ingamba ribona ko ari ngombwa mu kurinda ibice rivuga ko yabohoye no kurengera abaturage bahatuye.
Iri tangazo ryashyizweho umukono na Lawrence Kanyuka, mu nshingano ze zo kuyobora Ishami ry’Itumanaho no kuba umuvugizi wa FRN, rikaba ryaratangiwe i Goma.
Minembwe Capital News (MCN)