FRN Yamaganye Ibitero Bikomeje Gukaza Umurego mu Rugezi no mu Nkengero Zaho
Minembwe Capital News (MCN)
Mu itangazo ryashyizwe ahagaragara kuri iki Cyumweru, tariki ya 18/10/2026, Lawrence Kanyuku, umuvugizi w’ihuriro Front pour la Refondation de la Nation (FRN), riyobowe na Joseph Kabila Kabange, yagaragaje impungenge ku bitero yavuze ko byakajije umurego mu gace ka Rugezi no mu nkengero zako, mu karere ka Minembwe, muri Kivu y’Amajyepfo, mu burasirazuba bwa Repubulika Iharanira Demokarasi ya Congo (RDC).
Mu butumwa bugenewe Abanyekongo n’amahanga, FRN yatangaje ko kuva ku wa Gatandatu, tariki ya 17/10/2026, saa 20:20, kugeza kuri iki Cyumweru, ingabo za FARDC, umutwe wa FDLR, imitwe ya Maï-Maï, abacanshuro b’abanyamahanga n’Ingabo z’u Burundi (FDNB) byakajije ibitero muri ako gace.
Iri huriro rivuga ko ibyo bitero byagizwemo uruhare n’indege zitagira abapilote zo mu bwoko bwa kamikaze, ibisasu n’imbunda ziremereye.
Lawrence Kanyuku yavuze ko ibyo bitero bikomeje guteza impfu no guhatira abaturage guhunga ingo zabo, bikarushaho gukaza ikibazo cy’ubutabazi mu karere ka Minembwe.
Ku ruhande rwaryo, FRN yatangaje ko ingabo zayo zikomeje ibikorwa byo kwirwanaho no kurinda abaturage b’abasivili n’imitungo yabo. Iri huriro ryashimangiye ko kurinda abaturage no guharanira umutekano wabo bikomeje kuba bimwe mu by’ingenzi mu bikorwa byaryo.
Minembwe Capital News (MCN)