Umukuru w’igihugu c’u Rwanda, Paul Kagame yashyize mu myanya abayobozi barimo Gen Kabarebe muri Guverinema ya Kigali. Kabarebe akaba yagizwe Umunyamabanga wa Leta muri Minisiteri y’Ububanyi n’Amahanga n’Ubutwererane.
Bikubiye mu itangazo ryashyizwe hanze n’Ibiro bya Minisitiri w’Intebe mu ijoro ryakeye rishira kuri uyu wa Kane tariki 28/09/2023.
General James Kabarebe yagizwe Umunyamabanga wa Leta Ushinzwe Ubutwererane bw’Akarere muri Minisiteri y’Ububanyi n’Amahanga n’Ubutwererane, atsimbura Prof Nshuti Manasseh wagizwe Umunyamabanga Mukuru mu Biro bya Perezida wa Repubulika ushinzwe Imirimo yihariye.
Gen Kabarebe wahawe inshingano nsha, yari agiye kuzuza ukwezi ashyizwe mu kiruhuko cy’izabukuru nk’Umusirikare, aho yagishizwemo tariki 30 z’ukwezi gushize kwa Munani, we n’abandi Bajenerali 12 barimo General Fred Ibingira.
Kabarebe agarutse muri Guverinoma y’u Rwanda nyuma y’imyaka itanu, kuko yari yavanywe ku mwanya wa Minisitiri w’Ingabo kuva muri 2018, ahita agirwa Umujyanama Wihariye wa Perezida wa Repubulika mu by’umutekano.
Muri 2014 ubwo Gen Kabarebe yarahiraga nka Minisitiri w’Ingabo
Clare Akamanzi yasohotse muri RDB, Gatare aragaruka
Mu bandi bahawe inshingano na Perezida Paul Kagame, ni Francis Gatare wagizwe Umuyobozi Mukuru w’Urwego rw’Igihugu Rushinzwe Iterambere (RDB) asimbura Clare Akamanzi wari umaze imyaka itandatu kuri uyu mwanya.
Francis Gatare wari usanzwe ari Umujyanama Mukuru wa Perezida mu by’Ubukungu agarutse ku mwanya w’Umuyobozi Mukuru wa RDB, n’ubundi asimbura Clare Akamanzi bari basimburanye muri 2017.
Barimo kandi Dr Yvonne Umulisa wagizwe Umunyamabanga Uhoraho mu Biro bya Minisitiri w’Intebe.
Dr Yvonne Umulisa wari asanzwe ari umwarimu w’Ubukungu muri Kaminuza y’u Rwanda, afite impamyabumenyi y’ikirenga mu by’ubukungu mpuzamahanga n’Iterambere yakuye muri Kaminuza ya Académie Universitaire Louvain yo mu Bubiligi.
Alphonse Rukaburandekwe na we yagizwe Umuyobozi Mukuru w’Ikigo Gishinzwe guteza imbere imiturire mu Rwanda, naho Bonny Musefano agirwa Umujyanama wa mbere muri Ambasade y’u Rwanda i Tokyo.
James Kabarebe n’inde?
Uyu wahoze ari umusirikare mungabo za RPF kuvuga u Rwanda mu myaka mirongwitatu utamushizemo ubusa nuwibesheho gato.
Kabarebe Afatwa nk’umwe mu bantu ba hafi cyane ya Perezida Paul Kagame
Mu gihe cy’intambara Kabarebe yabaye ‘aide-de-camp’ (somambike) we
Yabaye umugaba w’ingabo zirinda umukuru w’igihugu (Republican Guard)
Yabaye umugaba w’ingabo z’u Rwanda (2002-2010), ndetse n’iza DR Congo (1997 – 98)
Mu 2002 yabaye uwa mbere mu bahoze ari inyeshyamba za APR – ubu ni ingabo za RDF – wahawe ipeti rya jenerali w’inyenyeri zine(4).
By Bruce Bahanda.
Tariki 28/09/2023.
