Ihuriro ry’imitwe ya politiki n’igisirikare rya AFC rirashinja FDLR irwanira ubutegetsi bwa Kinshasa, gukorana byahafi n’umutwe w’iterabwoba wa ADF urwanya leta ya Uganda.
Bikubiye mu itangazo iri huriro rya AFC ryashize hanze rigenewe akanama ku muryango w’Abibumbye gashinzwe umutekano ku isi, rivuga ko hagati y’Ingabo za Repubulika ya demokarasi ya Congo n’imitwe y’itwaje imbunda igira uruhare mu guhungabanya umutekano muri Congo ahanini mu Burasirazuba bwayo kugira ubufatanye budasanzwe.
Iri tangazo rya AFC riteweho umukono n’umuhuza bikorwa wayo, Corneille Nangaa ryashizwe hanze ku mugoroba wo ku Kane, rifatira urugero kuri raporo y’impuguke z’u muryango w’Abibumbye yo mu 2018 yagaragaje ko ingabo z’iki gihugu zagurishije ADF imbunda n’indi yo mu 2016 yagaragaje ko abarwanyi b’uyu mutwe w’iterabwoba bahawe uburenganzira bwo kwidegembya ku butaka bwa Repubulika ya demokarasi ya Congo.
Ati: “Ubuhamya bwemeza ko abofisiye ba FARDC bashinzwe ibikorwa bya gisirikare muri Kivu y’Amajyaruguru baganira byeruye kuri raporo zivuga ku gukorana kwabo n’imitwe y’abagizi ba nabi n’abagenocideri(ADF, FDLR n’indi mitwe y’abanyabyaha) ikorera muri aka karere.”
Iri tangazo rya Corneille Nangaa rivuga ko ibyo byose byatewe n’imiyoborere mibi y’igihugu n’igisirikare cyacyo, umutwe wa CODECO usa n’uwigaruriye Intara ya Ituri y’Amajyaruguru, aho yica abasivile, igatera abaturage ubwoba ikabambura ubutaka. Yongeyeho ko ibi ari na byo bikorwa na FDLR muri Kivu Yaruguru.
Yakomeje amenyesha ko perezida w’akanama k’umutekano ka LONI ko hashize ibyumweru bike ingabo za RDC ziyunze n’umutwe wa ADF kugira ngo byifatanye gusubiza inyuma abarwanyi ba M23 bagenzura ibice byinshi byo muri Kivu y’Amajyaruguru.
Ingabo z’iki gihugu cya Repubulika ya demokarasi ya Congo mu busanzwe zifatanya na FDLR mu rugamba rwo kurwanya M23, nk’uko bishimangirwa n’impuguke za Loni zikurikiranira hafi umutekano wa RDC. Ibi bisobanuye ko uyu mutwe wa ADF biri gukorera hamwe mu Ntara ya Kivu Yaruguru.
Yagaragaje ko kwihuza kwa FDLR, ADF n’indi mitwe y’itwaje imbunda y’ibumbiye mu cyitwa ‘Wazalendo’ kuzakomeza gushyira habi umutekano w’uburasirazuba bwa Repubulika ya demokarasi ya Congo ndetse n’akarere k’ibiyaga bigari muri rusange.
Ati: “Kwihuza kwa ADF, FDLR n’indi mitwe y’itwaje imbunda irimo Wazalendo biganisha ku guhungabanya bikomeye umutekano w’u Burasirazuba bwa RDC n’akarere ka Afrika y’ibiyaga bigari. Amakuru atandukanye yakomeje kugaragariza akanama gashinzwe umutekano uku kwihuza, arimo raporo y’impuguke za Loni ya 2018, HRW mu 2016.
Iri tangazo rya Corneille Nangaa rya menyeshejwe umunyamabanga mukuru wa LONI, Antonio Guterres n’umuhagarariye muri RDC akaba n’umuyobozi wa misiyo y’amahoro y’uyu muryango muri iki gihugu Bintou Keita.
MCN.