Mu mirwano y’iminsi itatu ku Cyumweru, k’uwa Mbere, k’uwa Kabiri no kuri uyu wa Kane, tariki 07/12/2023, byavuzwe ko muri uru rugamba ko arirwo rwaguyemo abasirikare benshi b’u Burundi, kuva b’injira mu ntambara yeruye n’umutwe wa M23, aho ziriya Ngabo z’u Burundi ziyemeje gufasha Wazalendo, FDLR na FARDC kurwanya M23.
Inkuru dukesha Isoko yacu, ihamya ko muri iyi mirwano y’iminsi itatu ko yaguyemo abasirikare b’u Burundi basaga 200 abandi n’abo ba burirwa irengero harimo na bakomeretse.
Amazina y’abamwe yabashe kuja hanze tukaba tubikesha umwanditsi w’umurundi Pacifique Nininahazwe.
Mubo yatangaje harimo: Caporal-Chef Clement Habyarimana(Matricile 76010/HR23005), yavutse mu 1983 avukira muri Komine Mutimbuzi, mu Ntara ya Bujumbura. 1ère Class Cassien Hatungimana(Matricile 80498/HR5122), yavutse mu 1993, avukiye muri Komine Matongo, mu Ntara ya Kayanza. 1ère Classe Celeus Ndayikeza(Matricile 83113/HR27179), yavutse mu 1998, avukiye muri Komine Gisagara mu Ntara ya Cankuzo. 2ème Classe Edson Izobampa(Matricile 87825/HR30956), yavutse mu 1999, yavukiye muri Ruhagarika.
Ku wa Mbere, tariki 04/12/2023, niho kandi byatangajwe ko mu Ngabo z’u Burundi zifasha FARDC na FDLR kurwanya M23 ko haguyemo abasirikare ba biri b’u Burundi bafite ipeti rya Major, aribo: Major Onesphore Ndayiragije, wamamaye kw’izina rya Bigohe na Major Pascal Ngendakumana.
Gusa M23 nk’uko yakomeje kubivuga kumbuga nkoranya mbaga, yagaragaje ko mu Rugarama rwokuri uyu wa Kane, tariki 07/12/2023, ko hapfuye abasirikare benshi b’u Burundi ni mu mirwano yahesheje uriya mutwe wa M23 gufata u Mujyi wa Mushaki, wo muri teritware ya Masisi, mu Ntara ya Kivu y’Amajyaruguru.
Mushaki, iherereye mu bilometre 36 n’u Mujyi wa Goma, uzwi nk’umurwa Mukuru w’Intara ya Kivu y’Amajyaruguru. Aha muri Mushaki hari ibirindiro bikomeye by’ingabo z’u Burundi, Wazalendo, FDLR na FARDC.
Bruce Bahanda.
