Hamenyekanye akandi gace m23 yagiyemo nyuma y’aho yikuye i Kagheri nta mirwano.
Abarwanyi bo mu mutwe wa m23 urwanya ubutegetsi bw’i Kinshasa, bikuye mu gace ka Kagheri hatabaye ihangana hagati yabo n’ihuriro ry’ingabo zirwana ku ruhande rwa Leta.
Kagheri ni agace gaherereye mu ntera ngufi ni centre ya teritware ya Lubero mu ntara ya Kivu y’Amajyaruguru.
Amakuru ava muri aka gace kari mu birometero 35 uvuye muri centre ya Lubero, avuga ko m23 yakivanyemo nta ntambara yabaye, aho bari baragafashe ku ya 02/02/2025, nyuma y’imirwano yabaye hagati y’aba barwanyi ba m23 n’ingabo za Repubulika ya demokarasi ya Congo (Fardc).
Minembwe Capital News yamenye ko aba barwanyi bavuye muri kariya gace, bahita baja mukandi kitwa Kasugho, gaherereye mu birometero 15 uvuye muri Kagheri.
Uyu mutwe wagiye muri aka gace mu gihe karikavuyemo ingabo za Uganda zari zihamaze iminsi.
Ku rundi ruhande, igisirikare cya Repubulika ya demokarasi ya Congo cyatangaje ko kiri hafi y’aha m23 yagiye muri Lubero. Ariko kugeza ubu ntacyo uyu mutwe wa m23 uratangaza kuri ibi byavuzwe na FARDC.