• About Us
  • Privacy Policy
Tuesday, November 17, 2026
  • Login
Minembwe Capital News
  • Home
  • Conflict & Security
  • Regional Politics
  • World News
  • sport & entertainment
No Result
View All Result
  • Home
  • Conflict & Security
  • Regional Politics
  • World News
  • sport & entertainment
No Result
View All Result
Minembwe Capital News
No Result
View All Result
Home Conflict & Security

Hamenyekanye Impamvu Perezida Tshisekedi Yasubitse Uruzinduko rwe i New York

Bahanda Bruce by Bahanda Bruce
July 20, 2026
in Conflict & Security
0
Hamenyekanye Impamvu Perezida Tshisekedi Yasubitse Uruzinduko rwe i New York
75
SHARES
1.9k
VIEWS
Share on FacebookShare on TwitterShare on Whatsapp

Hamenyekanye Impamvu Perezida Tshisekedi Yasubitse Uruzinduko rwe i New York

MINEMBWE CAPITAL NEWS (MCN)

Perezida wa Repubulika Iharanira Demokarasi ya Congo (RDC), Félix Antoine Tshisekedi Tshilombo, ntiyagiye i New York nk’uko byari biteganyijwe, aho yagombaga kuyobora ku wa 22/07/2026 ikiganiro cyo ku rwego rwo hejuru cy’Inama y’Umutekano y’Umuryango w’Abibumbye (Loni), cyari kigamije kugaragaza uburyo imiyoborere myiza y’umutungo kamere ishobora kuba ishingiro ry’amahoro, umutekano n’iterambere rirambye.

Aya makuru yemejwe n’amasoko ya hafi y’ubutegetsi, agaragaza ko impamvu nyamukuru y’iri subikwa ry’urugendo ari ihindagurika ry’ibibazo bya politiki n’umutekano rikomeje kwiyongera imbere mu gihugu, bikaba bisaba ko Umukuru w’Igihugu akomeza kuba i Kinshasa kugira ngo akurikirane ibibazo bihari.

Iyi nama yari kuba ari umusozo w’ingenzi w’igihe RDC yari iyoboye Inama y’Umutekano ya Loni muri uku kwezi kwa Karindwi 2026, nyuma y’inama yabaye ku wa 13/07/2026 iyobowe na Minisitiri w’Ububanyi n’Amahanga, Thérèse Kayikwamba Wagner, hakoreshejwe uburyo buzwi nka Arria Formula.

Nubwo Perezida Tshisekedi aherutse gutangaza ko yemeye inzira y’ibiganiro hagati y’Abanyekongo hagamijwe gushaka amahoro arambye, ibikorwa biri kubera ku rugamba bikomeje gutuma benshi bibaza niba ayo magambo ahura n’ibiri gukorerwa ku butaka.

Mu misozi ya Teritwari ya Fizi, mu Ntara ya Kivu y’Amajyepfo, amakuru aturuka mu baturage n’andi masoko atandukanye avuga ko imirwano ikomeje hagati y’ingabo za FARDC, ingabo z’u Burundi n’imitwe bifatanya ku ruhande rumwe, ndetse na MRDP-Twirwaneho ku rundi ruhande. Biravugwa ko ibikorwa bya gisirikare bikomeje, n’ubwo ibiganiro bya politiki bikomeje kuvugwa nk’inzira yo gushaka amahoro.

Abasesenguzi bamwe mu bya politiki bagaragaza ko kimwe mu bibazo bikomeye Perezida Tshisekedi akunze kunengwa ari ukutabasha guhuza neza ibikorwa bya dipolomasi n’ibya gisirikare. Mu gihe ku ruhande rumwe agaragaza ubushake bwo gushyigikira ibiganiro hagati y’Abanyekongo, ku rundi ruhande ibikorwa bya gisirikare biracyakomeje mu bice bitandukanye by’iburasirazuba bw’igihugu, ibintu bituma icyizere cy’abaturage ku nzira y’amahoro kigenda kigabanuka.

Hari kandi abavuga ko kuba Perezida Tshisekedi yahisemo kuguma i Kinshasa bishobora gusobanurwa n’uburemere bw’ibibazo by’umutekano n’ibya politiki biri imbere mu gihugu, aho ubutegetsi bwe bukomeje guhura n’igitutu gikomeye gituruka ku ntambara ikomeje mu Burasirazuba bwa Congo, ndetse n’ibisabwa n’abanyapolitiki n’imiryango itandukanye basaba ko hashyirwa imbere ibiganiro aho gukomeza intambara.

Gusa, kugeza ubu ubutegetsi bwa RDC ntiburatangaza ku mugaragaro impamvu zirambuye zatumye uru rugendo rusubikwa, uretse amakuru aturuka hafi y’Ibiro bya Perezida agaragaza ko izi mpinduka zishingiye ku ihindagurika ry’imiterere ya politiki n’umutekano.

Mu gihe amahanga akomeje guhamagarira impande zose guhagarika imirwano no gushyira imbere ibiganiro, amaso akomeje guhanga i Kinshasa kugira ngo harebwe niba icyemezo cyo kwemera ibiganiro kizajyana n’ingamba zifatika zo kugabanya imirwano no kubaka amahoro arambye mu Burasirazuba bwa Repubulika Iharanira Demokarasi ya Congo.

Tags: I New YorkTshisekediUruzindiko

Browse by Category

  • Conflict & Security
  • Regional Politics
  • Religion
  • Shop & Explore
  • sport & entertainment
  • Uncategorized
  • World News

Minembwe Capital News

MINEMBWE DUTANGAZA AMAKURU ATOHOJE KANDI YIZEWE Y'I MULENGE NO MU KARERE, NDETSE NO KU ISI HOSE.

CATEGORIES

BROWSE BY TAG

Conflict & Security Regional Politics Religion Shop & Explore sport & entertainment Uncategorized World News
  • About Us
  • Home
  • Privacy Policy

© 2026 Minembwe Media.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
No Result
View All Result
  • Home
  • Regional Politics
  • Conflict & Security
  • World News
  • About Us
    • Privacy Policy

© 2026 Minembwe Media.

Not enough quota to unlock this post
Unlock left : 0
Are you sure want to cancel subscription?