Hamenyekanye umubare w’abapolisi ba RDC bahungiye muri Uganda bahunze intambara ya m23.
Ni abapolisi ijana(100) bahungiye ku butaka bwa Repubulika ya Uganda nyuma y’uko ingabo ziyobowe na Major Gen Sultan Makenga zifashe ibice byinshi byo muri Grupema ya Binza, harimo na Ishasha.
Nk’uko aya makuru yatangajwe n’igitangaza makuru cya Dw Kiswahili, cyavuze ko bariya bapolisi ba Repubulika ya demokarasi ya Congo, bahunze ubwoba, mu gihe m23 yari komeje kwigarurira ibice byinshi mu buryo budasanzwe.
Uku kwigarurira ibindi bice kwa m23 byongeye gufata indi ntera kuva ku wa Kane w’iki Cyumweru dusoje, aho uwo mutwe wafashe ibice byinshi byo muri Grupema ya Binza, harimo n’agace ka Nyamilima kafashwe ku wa Gatandatu mu gihe Ishasha yo yafashwe ku Cyumweru.
Aya makuru anagaragaza ko aba bapolisi bahunze bata igihugu cyabo nyuma y’uko m23 yari maze gufata umupaka wa Ishasha.
Ubwo bari bamaze kubona ingabo z’igihugu cyabo(FARDC) ziri gukizwa n’amaguru, nibwo abapolisi nabo bahise bayabangira ingata bambuka ku butaka bwa Uganda, ndetse iki kinyamakuru cyanatangaje ko bahunganye n’imbunda zabo. Kur’ubu bakaba bari mu maboko y’inzego zishinzwe umutekano muri Uganda.
Gusa, harandi makuru avuga ko atari abapolisi gusa ba RDC bahungiye muri Uganda, ngo kuko ubwo m23 yarimaze gufata i Nyamilima byatumye abakozi ba leta, abapolisi, abashinzwe ubutasi na bamwe mu baturage bahungira muri iki gihugu cya Uganda.
Nyamara kandi ibi ntacyo igisirikare cya Repubulika ya demokarasi ya Congo kirabivugaho ndetse byibuze ngo kibe cyotangaza kw’ifatwa rya Ishasha. Utu duce dufashwe mu gihe kuri iki Cyumweru hatangiye kubahirizwa agahenge k’imirwano kemerejwe i Luanda ubwo intumwa za RDC n’iz’u Rwanda zahuraga. Imirwano yo ikaba igikomeje kuba.
MCN.
