Haravugwa imirwano ikomeye hagati ya AFC/M23 na FARDC n’abambari bayo.
Mu duce dutandukanye two muri Kivu y’Amajyepfo mu Burasirazuba bwa Repubulika ya demokarasi ya Congo, haravugwa imirwano ikomeye hagati ya AFC/M23 n’ihuriro ry’ingabo za Congo.
Ku wa gatatu tariki ya 18/06/2025, muri za Localite zo muri teritware ya Kalehe, Kabare na Walungu nizo zabereyemo iryo hangana rikaze ku mpande zombi.
Amakuru akavuga ko iyo mirwano yabereye ku misozi ya Nyangenzi muri teritware ya Walungu no mu bindi bice biherereye muri zo nshe. Iyi mirwano yahereye kuva ku wa kabiri tariki ya 17/06/2025.
Aha’rejo kandi iyi mirwano yavuzwe muri turiya duce, aho humvikanaga urusaku rw’imbunda ziremereye n’izoroheje, kuva mu gitondo kugeza isaha zigicyamunsi nk’uko byemejwe n’abaturiye utwo duce.
Uko imirwano yarimo ibera mu misozi ya Nyangenzi, ni nako byari bimeze ahitwa Lurhala, ho muri iyi teritware ya Walungu.
Nanone kandi indi mirwano iremereye yarimo ibera muri teritware ya Kabare, mu duce twayo twa Cirunga, Mumosho, na Katana. Ku wa gatatu kuva saa kumi n’imwe z’igitondo kandi imirwano yatangiriye muri Cirunga.
Amwe mu makuru avugwa kuri iyi mirwano agera kuri Minembwe Capital News, avuga ko abarwanyi ba AFC/M23 birukanye ihuriro ry’ingabo za Congo bikomeye, agira ati: “AFC/M23 yirukanye bikomeye ihuriro ry’ingabo za Congo. Abenshi muri aba bo ku ruhande rwa Leta barishwe.”
Sosiyete sivili yavuze ko i Mumosho na Katana, hari icyoba ko hashobora kwaduka indi mirwano yakwerekeza i Kigabi.”
Ni mu gihe ni Nyantende imirwano yahageze nyuma y’aho abo mu ruhande rwa Leta bahahungiye bavuye i Mumosho.
Kubera urusaku rw’imbunda ziremereye n’izoroheje zumvikanye muri utwo duce byateye icyoba abadukikije nk’i Panzi n’ahandi.
