Hari ibyatangajwe ku itabwa muri yombi ry’uwahoze ari minisitiri w’ubutabera muri RDC.
Urwego rushinzwe ubutasi bwa gisirikare muri Repubulika ya demokarasi ya Congo, nirwo rwataye muri yombi, bwana Bernard Takaishe, wahoze ari minisitiri w’ubutabera muri iki gihugu cya RDC.
Amakuru yizewe yatanzwe n’urwego rushinzwe ubutabazi muri RDC, yemeza ko bwana Kaishe afungiwe mu kigo cy’uru rwego kizwi nka DEMIAP.
Abegereye bwana Kaishe, bavuga ko akiri muri Demiap mu rwego rwo kugira ngo abanze ahatwe ibibazo by’ibyo aregwa kugira ngo ukuri kwabyo kuje hanze, nubwo kugeza ubu umuryango we utaramenya icyo umuntu wabo afungiwe.
Umuryango we watanze amakuru ku wa Kabiri tariki ya 20/08/2024, uvuga ko Kaishe mbere y’uko atabwa muri yombi yabanje kubona ubutumwa bumuburira ko hari abantu baza kumujana mu kigo gishinzwe iperereza(ANR), ariko ntiyabwibwa ibyaha ashinjwa.
Bwana Bernard Takaishe yahoze ari minisitiri w’ubutabera, igihe cya minisitiri w’intebe Ilunga Ilukamba. Asanzwe kandi ari umwe mu bagize ishyaka rya UDPS, ishyaka riri ku butegetsi.
Bwana Bernard Takaishe yayoboye minisiteri y’ubutabera muri manda ya mbere ya perezida Félix Tshisekedi kugeza irangiye.
MCN.
