Hashizweho ubundi buryo bushya bwo kurinda umutekano w’u murwa mukuru, Kinshasa, ninyuma y’uko umutekano waho ukomeje kuzamba.

Hafashwe izindi ngamba zokurinda umutekano w’umurwa mukuru w’igihugu cya Repubulika ya demokarasi ya Congo, Kinshasa.

N’i byatangajwe kuri uyu wa Kane, tariki ya 28/03/2024, bitangajwe na Komiseri mukuru wa Polisi muri Repubulika ya demokarasi ya Congo.

Avuga ko ukurikije umutekano muke ukomeje kuzamba mu bice bigize umurwa mukuru wa Kinshasa, polisi igiye kuzajya ikora amarondo mu ijoro ikoresheje indege ntoya zitagira abapilote.

Komiseri mukuru wa Polisi avuga kandi ko umutekano muke ahanini utegwa n’abajura ndetse no mu buryo bwa politike.

Akomeza avuga ko amarondo azakorwa impande zose haba ku mihanda no mu bindi bice bigize Kinshasa.

Ibyo abivuze mu gihe ubutegetsi bw’i Kinshasa bushinja i shyaka rya PPRD kuba abayoboke baryo barimo kuyoboka ku bwinshi ihuriro ry’i mitwe n’igisirikare rya Alliance Fleuve Congo, ya Corneille Nangaa, wongeye gutangaza bundi bushya kuri uyu wa Kane, tariki ya 28/03/2024 gushiraho akadomo kanyuma ubutegetsi bwa perezida Félix Tshisekedi.

Kimweho umunyabanga mukuru w’ishyaka rya PPRD ya Joseph Kabila, bwana Ferdinand Kambere yahakanye ibyo leta ishinja Ishyaka rye, avuga ko ibyo kuyoboka AFC kwa bamwe bo muri PPRD ntaho bihuriye n’ishyaka abereye umunyabanga mukuru.

Asobanura ko ari kimwe n’uko hari abo mu ishyaka riri ku butegetsi bashobora kugenda bakarivamo.

Ku rundi ruhande Jaynet Laurent Désire Kabila, ukuriye Foundation Laurent Désire Kabila, ari mubari gushinjwa gutera inkunga umutwe wa M23, urwanya ubutegetsi bwa Kinshasa.

Ibi biri mu byatumye umwuka ukomeza kuba mubi hagati mu banyapolitike bari i Kinshasa ku murwa mukuru wa RDC.

          MCN.