Hatangajwe ibindi bishya ku ntambara ya Israel na Hamas.
Igihugu cya Qatar cyatangaje ko ibiganiro byerekeye amasezerano yo guhagarika intambara hagati ya Israel n’umutwe wa Hamas mu Ntara ya Gaza, bigeze ku ntambwe ya nyuma, kandi ko impande zombi zirimo zumvikana.
Byatangajwe ku wa kabiri tariki ya 14/01/2025 na minisitiri w’ubabanye n’amahanga wa Qatar, Majed Al-Ansari, yavuze ko abantu borindira kugeza bageze ku ntambwe ya nyuma ya masezerano.
Igihugu cya Qatar, Misiri na Leta Zunze Ubumwe z’Amerika biri mu byagize uruhare kugira ngo impande zihanganye zigere ku mahoro arambye.
Perezida wa Leta Zunze Ubumwe z’Amerika, Joe Biden, ku wa mbere, yatangaje ko amasezerano hagati ya Israel na Hamas ari hafi kugerwaho.
Nk’uko Biden yabisobanuye yavuze ko ayo masezerano ashobora gutuma abagizwe imbohe barekurwa, intambara nayo ubwayo igahagarara, mu gihe kandi n’umutekano wa Israel wokubahirizwa.
Yavuze kandi ko ayo masezerano yotuma kandi imfashyanyo igenewe Abanyapalestine bagize ingaruka z’intambara yatangijwe na Hamas yongerezwa.