Hatanzwe umucyo ku mirwano yabereye i Uvira muri Kivu y’Epfo.
Kuri uyu wa gatandatu tariki ya 05/04/2025, i Uvira muri Kivu y’amajyepfo habaye imirwano ikomeye, aho yarihanganishije amatsinda abiri yo muri Wazalendo, nk’uku amakuru ava muri ibyo bice abivuga.
Iyi mirwano yatangiye igihe c’isaha ya saa ine z’igitondo, igeza igihe c’isaha ya saa sita zija gushira muri sa saba zamanywa.
Nk’uko aya makuru abisobanura avuga ko amatsinda abiri yo muri Wazalendo ni yo yasubiranyemo, harimo iri yobowe na Makanaki n’irindi riyobowe na Beta Bango.
Isubiranamo hagati yariya matsinda abiri, amakuru amwe avuga ko ntakiramenyekana kuri byo, mu gihe ku rundi ruhande bivugwa ko yapfuye ibyo abarwanyi bo muri aya matsinda bari babuguje mu baturage.
Ni mu gihe iryo buguza barikoreye mu bice byo muri Quartier ya Mulongwe, ari naho habereye iryo hangana ku mpande zombi, nk’uko amakuru akomeza abivuga.
Ubuhamya buvuga kuri iri subiranamo hagati y’abarwanyi bayobowe na Makanaki n’abayobowe na Beta Bango, bugaragaza ko ryumvikaniyemo imbunda ziremereye n’izito. Kandi ko hari n’umturage wakomeretse.
Bugira buti: “Wazalendo barasanye karahava. Barimo barasisha imbunda zinini n’izito. Ikibabaje hari umuturage wabikomerekeyemo.”
Kuba Wazalendo basubiranyemo bapfa ibyo babuguje, ni bintu bisanzwe kuri bo, kuko akenshi bahora babipfa. Ibyo byagiye bibabaho mu minsi ishize kandi bikabera ahatandukanye.
Mu kwezi gushyize Wazalendo bararasanye i Fizi, hapfa Jenerali Mutetezi Ebuela Tresor uwo bitaga jenerali.
Ibyo kandi byanabaye i Kilembwe mu kwezi kwa mbere uyu mwaka, aho naho basubiranyemo abarwanyi benshi bo muri uyu mutwe bahasiga ubuzima. Ndetse kandi no mu ntangiriro z’ukwezi kwa kabiri uyu mwaka i Uvira Wazalendo basubiranyemo hapfamo abatari bake abandi benshi barakomereka.
