Hatanzwe umucyo ku rusaku rw’imbunda rwumvikanye mu Gipupu.
Mu Gipupu habyukiye amahoro mu gitondo cyo kuri uyu wa gatatu tariki ya 02/10/2024, nyuma y’uko mu ijoro rya raye rikeye humvikanye urusaku rw’imbunda rwinshi rurimo n’imbunda za musaada (ibifaru).
Amakuru y’ibanze ava muri aka gace ka Gipupu, avuga ko “amasasu yatangiye kumvikana igihe c’isaha zitatu z’ijoro ryo ku wa kabiri rishyira kuri uyu wa gatatu tariki ya 02/10/2024.” Bikavugwa ko yaraswaga n’ingabo za FARDC n’ingabo z’u Burundi zibarizwa muri ibyo bice byo muri Secteur ya Itombwe muri teritware ya Mwenga, mu Ntara ya Kivu y’Amajy’epfo.
Nk’uko aya makuru akomeza avuga n’uko muri utu duce hagize iminsi hari umutekano muke, nyuma y’imirwano ikaze yabaye mu Cyumweru gishize, aho yari ihanganishije umutwe wa Red-Tabara n’ingabo z’u Burundi ku bufatanye n’ingabo za Republika ya Demokarasi ya Congo(FARDC) n’abarwanyi bo mu mutwe wa Maï Maï.
Iyi mirwano yasize abarwanyi ba Red-Tabara binjiye amashyamba yo muri Itombwe, ari nabyo byatumye haba uko kwikanga ku ruhande rw’ingabo z’u Burundi n’iza RDC; kuko ku mugoroba w’ejo hashize iz’ingabo zikaze bariya barwanyi baje ku bagabaho ibitero bituma zirasa amasasu menshi mu rwego rwo kumenyesha abandi basirikare babo bari mu bindi bice ko Red-Tabara ishaka kubagabaho ibitero. Gusa ntabyangirijwe n’ayo masasu usibye ko abaturage bagize ubwoba ariko ntibahunga, nk’uko MCN yabwiwe.
Kimwe cyo, abarwanyi ba Red-Tabara ntacyo baratangaza, nk’uko bakunze kubikora bakoresheje urubuga rwa x. Ariko kandi aba barwanyi ntibarikure naho ingabo za FARDC ziri, bari mu mashyamba akikije Gipupu na Mikenke.
Ku rundi ruhande, ingabo z’u Burundi zikomeje kwerekeza muri ibi bice byo muri Mibunda(Mikenke na Gipupu) ziva i Burundi, nk’uko Abanye-Ndondo baheruka ku bibwira Minembwe Capital News.
Bavuga ko “buri munsi, ku Ndondo ya Bijombo hatambuka abasirikare b’u Burundi babarirwa ku 100, ibyo bikaba byaratangiye kugaragara mu mpera zakiriya Cyumweru gishize.” Bigakekwa ko iz’i ngabo z’u Burundi n’iza Repubulika ya demokarasi ya Congo ku bufatanye n’inyeshamba za Maï Maï, zigifite ubushake bwo gukomeza ibitero ku nyeshamba za Red-Tabara.
MCN.