Hongeye ku bura imirwano ikaze hagati ya m23 n’ihuriro ry’Ingabo za RDC.
Ni imirwano yabaye kuri uyu wa Gatatu tariki ya 14/08/2024, aho yari ihanganishije umutwe wa m23 n’igisirikare kirwana ku ruhande rwa leta ya Kinshasa mu bice byo muri Rutshuru.
Nk’uko iy’inkuru ibivuga iyi mirwano yabereye mu gace ka kisharo gaherereye muri gurupema ya Binza, muri teritware ya Rutshuru mu Ntara ya Kivu y’Amajyaruguru.
Aka gace ka Kisharo kabereyemo urugamba, hari hashize ibyumweru bitatu kari garuriwe n’umutwe wa m23. Uyu munsi rero, iri huriro ry’Ingabo za RDC zikaba zahise zikagabamo ibitero, mu rwego rwo kugira ngo ryongere ku kigarurira.
Ariko nk’uko amakuru akomeza abivuga, nuko iri huriro ry’Ingabo zirwana ku ruhande rwa leta ya Kinshasa ryagabye iki gitero mu birindiro bya m23 kitigeze kirihira, kuko byarangiye uy’umutwe wa m23 usubije inyuma icyo gitero, ndetse unambura iri huriro ibikoresho bya gisirikare, birimo n’udukoresho twarifashaga mwikoranabuhanga, aho harimo za motorala n’ibindi.
Iyi mirwano yabaye mu gihe impande zombi zari ziri mu gahenge kemeranijweho, mu biganiro byahuje u Rwanda na Congo Kinshasa, ku buhuza bwa João Lourenço Perezida wa Angola.
Ni gahenge kagomba gutangira kubahirizwa tariki ya 04/08/2024, usibye ko muri iyi grupema ya Binza yagiye iberamo imirwano ikaze, hagati y’uyu mutwe wa m23 n’iri huriro ry’Ingabo zirwana ku ruhande rwa Repubulika ya demokarasi ya Congo.
MCN.
