I Burundi bikanze intambara bongera kwirukana Abanyamulenge.
Abanyamulenge bari batuye mu mujyi wo mu Cakunzo birukanwe bajanwa mu nkambi y’i mpunzi ya Kavumu, ku mpamvu z’ubutegetsi bw’iki gihugu bubonamo Abanyamulenge intambara ibera muri Congo aho ingabo z’iki gihugu zagiye kurwanya umutwe wa m23.
Ni ejo hashyize Abanyamulenge birukanwe mu mujyi wa Cankuzo, ndetse n’abanyeshuri bateshwa amashuri yabo.
Minembwe.com yamenye ko muri uriya mujyi wari utuyemo ingo z’Abanye-Congo bo mu bwoko bw’Abanyamulenge zibarirwa mu mirongo, kandi zose zavanyweyo, zijanwa mu nkambi y’i mpunzi ya Kavumu iherereye muri iyi ntara.
Umwe mu birukanwe yagize ati: “Abanyamulenge twari dutuye mu mujyi wo mu Cakunzo twirukanwe twese. Batujanye mu nkambi y’i mpunzi ya Kavumu.”
Yakomeje avuga ko ikibabaje ngo n’uko n’abanyeshuri bigagaga bateshejwe amasomo yabo.
Ati: “Abanyeshuri bateshejwe amasomo.”
Mu kwezi gushyize naho kandi Leta y’iki gihugu yirukanye ingo z’Abanyamulenge zibarirwa muri magana atatu mu mujyi wa Muyinga, zoherezwa mu makambi y’impunzi atandukanye ari muri iki gihugu.
iki gihugu mu kwirukana impunzi mu mijyi ngo biri mu kwikingira umutekano, nk’uko abategetsi bagenda babigaragaza.
Kuva iki gihugu cyohereza ingabo zacyo mu Burasizuba bwa RDC ku rwanya umutwe wa m23, cyahise cyinjira mu mutekano muke. Ni nyuma y’aho izo ngabo zacyo zagiye zikubitwa inshuro n’uwo mutwe uwo u Burundi bobonamo Abanyamulenge.
Nk’uko bizwi izo ngabo zataye umujyi wa Bukavu nyuma yuko kandi zitaye n’uwa Goma, ikaza gufatwa na m23. Kuri ubu abarwanyi b’uyu mutwe barasatira gufata n’umujyi wa Uvira uherereye mu ntera y’i birometero 27 uvuye mu mujyi wa Bujumbura mu gihugu cy’u Burundi.
Usibye kwirukana Abanyamulenge mu mijyi, banafungwa byahato nahato, kandi ahanini ugasanga ntacyaha bazize, usibye amasura yabo n’ururimi bavuga rw’ikinyamulenge kuko rufitanye isano ryahafi n’ikinyarwanda urwo u Burundi buzira kuruta ibindi byose.
Ibi bituma u Burundi bwikeka ko bushobora guterwa umwanya uwo ari wo wose, kuko bwagiye gufasha igisirikare cya Congo kurwanya m23 kandi igisirikare cyabwo kidafite ingufu zokurwanya uwo mutwe.