I Goma mu Burasirazuba bwa Repubulika ya demokarasi ya Congo, imyigaragambyo ya kamejeje.
Ni muri iki gitondo cyo kuri uyu wa Gatatu tariki ya 31/07/2024, imyigaragambyo yaramukiye mu bice byo muri Goma aho abayirimo bari kwa magana ubutegetsi kudaha umutekano usesesuye abaturage, nk’uko amakuru ava muri ibyo bice abivuga.
Iy’imyigaragabyo ahanini yiganjemo urubyiruko rurimo abakobwa n’abahungu bakaba barimo kuyikorera mu bice byo muri Quartier ya Kasika ho mu mujyi wa Goma.
Nk’uko ay’amakuru ava muri ibyo bice akomeza abivuga, nuko uru rubyiruko mu kwigaragambya baje bitwaje ibyapa byanditseho ubutumwa bashaka guha ubutegetsi, bugira buti: “Turashaka umutekano, abacu ko baricwa umunsi ku wundi.”
Ay’amakuru anavuga ko uru rubyiruko rwafashye amabuye bayatereka mu mihanda hagati iri muri yi Quartier ya Kasika, mwabo wo kwerekana akababaro ka mugenzi wabo wishwe arashwe n’abo bikekwa kwari Wazalendo aho uwo musore uri mu kigero cy’imyaka 20 na 25 yarashwe isaha z’umugoroba wo kuri uwo wa Kabiri tariki ya 30/07/2024 agahita y’itaba Imana ako kanya.
Biravugwa kandi ko uru rubyiruko mu gukora iyi myigaragabyo bari gusaba ubutegetsi bwa Kinshasa kutarebera mu gihe kandi umutekano wongeye kuzamba muri ibyo bice.
Si ubwa mbere abaturage bigaragambya muri Goma n’ahandi mu bindi bice byo muri RDC basaba ubutegetsi gutanga umutekano no kugerageza ku w’ubungabunga ni mu gihe ubwicanyi bwagiye burushirizaho gufata indi ntera.
Bamwe mu bicwa bo muri aba baturage bicwa bazira ubwoko bwabo abandi bakazira utwabo. Ibi bikaba bimaze imyaka irenga itanu.
MCN.
