I Kinshasa uzwi mu banyapolitiki bakomeye yatawe muri yombi, hamenyekana n’impanvu yabyo.

I Kinshasa uzwi mu banyapolitiki bakomeye yatawe muri yombi, hamenyekana n’impanvu yabyo.

Umwe mu batavuga rumwe n’ubutegetsi bwa Kinshasa, Delly Sesanga, washinze ishyaka Envol, yafunzwe, ubwo yatangiraga imyigaragambyo yo kwamagana umugambi wa Perezida Félix Tshisekedi wo kuvugurura itegeko nshinga.

Mu ruzinduko perezida Félix Tshisekedi aheruka kugirira i Kisangani ku itariki ya 23/10/2024, yarutangajemo ko itegeko nshinga iki gihugu gikoresha ryanditswe n’abanyamahanga, bityo ko rikwiye guhindurwa, rikaryana n’igihe.

Tshisekedi kandi yanavuze ko iri tegeko nshinga ko ryanandikiwe mu mahanga.

Yagize ati: “Itegeko nshinga ryacu si ryiza. Ryandikiwe mu mahanga, ryandikwa n’abanyamahanga. Dukeneye itegeko nshinga rijyanye n’uko ibintu bihagaze.”

Ariko amakuru avuga ko Tshisekedi yashyize uyu mugambi hanze, mu gihe byari byaramaze ku menyekana ko ishyaka rye rishaka guhindura iri tegeko nshinga.

Sesanga rero watawe muri yombi, yari amaze iminsi yamagana uyu mugambi yifashishije imbuga nkoranyambaga, ndetse yanafunguye urubuga rukusanya ibitekerezo by’abaturage bigaragaza ko batumva uwo mugambi.

Ku munsi w’ejo hashize, itariki ya 14/11/2024, Sesanga hamwe n’itsinda ryari rimushigikiye rinini bakoze imyigaragambyo bamagana uyu mugambi, abapolisi nibwo baje kumufata baramufunga.

Nyuma yitabwa muriyombi ry’uwo munyapolitiki, abantu benshi barimo abanyapolitiki barabyamaganye.

Nka Moïse Katumbi yagize ati: “Turasaba perezida Félix Tshisekedi gufungura byihuse Sesanga n’inzindi mfungwa.”

Yunzemo kandi ati: “Gukurikirana abatavuga rumwe n’ubutegetsi kugira ngo uvugurure itegeko nshinga rigufashe kubugumaho ni ikosa rikomeye risenya abanyagitugu bose.”

Na Ados Ndombasi uri mubatavuga rumwe n’ubutegetsi yavuze ko iki gikorwa Sesanga yakoze kigaragaza ko badashaka manda ya gatatu ya perezida Félix Tshisekedi.
Anasaba ko abafunze Sesanga bamurekura kandi bigakorwa vuba.