Imirwano hagati ya M23 n’ihuriro ry’Ingabo za Guverinoma ya Kinshasa yakomeje kuri uyu wa Gatatu, tariki ya 20/03/2024.
Ni imirwano irimo kubera mu gace ka Bihambwe, muri teritware ya Masisi, mu Ntara ya Kivu y’Amajyaruguru, mu gihugu cya Repubulika ya demokarasi ya Congo.
Amakuru ava muri ibyo bice avuga ko iyi mirwano irimo k’umvikana mo imbunda ziremereye n’izito, kandi ko yatangiye igihe c’isaha z’igitondo cyakare cyo kuri uyu wa Gatatu.
Ku mpande zihanganye ntacyo baravuga kuri iy’i mirwano. Gusa abaturage baturiye ibyo bice barahamya ko ihuriro ry’Ingabo z’ubutegetsi bwa Kinshasa aribo bagabye ibitero mu birindiro bya M23 no mu baturage baturiye uduce twa Bihambwe.
Bihambwe na gace kari mu nkengero za Zone ya Masisi, igize igihe ivugwa mo abasirikare benshi ba FARDC, nabo bafatanije k’u rwanya uyu mutwe wa M23.
Bikavugwa ko muri aka gace ka Zone ya Masisi ko hoba hari ibihumbi birenga 15 by’a basirikare ba leta ya Repubulika ya demokarasi ya Congo, FARDC, FDLR, Wagner, Wazalendo, ingabo z’u Burundi na SADC.
Iy’i mirwano ibaye mu gihe no kumunsi w’ejo hashize, habaye imirwano mu nkengero za Sake, isiga M23 ishwanyaguje ibibunda bibiri biri mu bwoko bwa BM-12, by’i huriro ry’Ingabo za RDC.
Hari n’amashusho yerekanwe agaragaza abasirikare benshi ba leta ya Kinshasa bakomerekeye muri icyo gitero cyabaye kuri uyu wa Kabiri.
Mu gihe M23 yafata Zone ya Masisi, byaba bibaye amateka, ni mu gihe hari ibirindiro bikomeye bya FDLR, FARDC, ingabo z’u Burundi na SADC.
MCN.