Abantu basaga 250 bakomerekejwe na Gazi, abandi ba biri barapfa.
Ni Gazi yaritwawe n’ikamyo ubwo yageraga mugace ka Embakasi, gaherereye mu Mujyi wa Nairobi mu gihugu cya Kenya, iraturika, birangira abantu ba biri bahasize ubuzima abandi barenga 250 barakomereka bikabije.
Ibi byemejwe n’umuvugizi wa leta ya Kenya Isaac Mwarura, nyuma y’uko yanyujije ubutumwa ku rukuta rwe rwa X, buvuga ko hari abantu bagizweho n’ingaruka mu gihe Gazi yaturitse. Yagaragaje ko abagizweho n’ingaruka ari abari hafi mu nyubako zegereye aho iyo Gazi yaturikiye.
Mwarura yagize ati: “Ikamyo ifite nimero iyiranga itaramenyekana yari twaye Gazi, yaturitse, umuriro mwinshi ukwira ahantu hanini. Hari abagezweho n’ingaruka ziturika rya Gazi.”
Amakuru yatanzwe n’ibiro ntaramakuru by’Abafaransa, AFP, byatangaje ko byageze mu masaa kumi n’imwe y’igitondo cyo kuri uyu wa Gatanu, tariki ya 02/02/2024, abapolisi bakigerageza kuzimya umuriro watewe na Gazi.
Nyuma abakomerekejwe na Gazi, bajanwe mu bitaro kugira bitabweho.
Umuryango wa Croix Rouge, utabara imbabare, nawo wemeje ay’amakuru maze utangaza ko wafashije inkomeri zibarirwa kuri 271, ubageza mu bitaro abandi 27 ubavurira aho impanuka yabereye.
Bruce Bahanda.