Ibyo wa menya ku musirikare wa FARDC warasiwe ku mupaka uhuza u Rwanda na RDC.
Kuri uyu wa Gatatu tariki ya 18/09/2024, umusirikare wa Repubulika ya demokorasi ya Congo yarasiwe hafi n’umupaka uhuza u Rwanda n’iki gihugu cya RDC, nk’uko amakuru ava muri ibyo bice abivuga.
Byavuzwe ko iki gikorwa cyabaye mu masaha y’ijoro ryo ku wa kabiri rishyira kuri uyu wa Gatatu, bibera ku butaka bwa RDC ariko hafi n’u Rwanda, mu karere ka Rubavu.
Aya makuru avuga ko byabereye neza mu gace kazwi nka Borne ya 2, kandi ko byabaye neza isaha zibiri z’ijoro zija kuja mu isaha zitatu.
Abaturage baherereye muri ibyo bice bavuze ko babonye abasirikare ba Fardc benshi bakikije aho umurambo w’uwo musirikare warasiwe.
Banavuze kandi ko uwo musirikare ko yarashwe n’abagenzi be, ariko ko impamvu yabiteye itaramenyekana neza.
Umupaka uhuza igihugu cy’u Rwanda n’icya RDC , ukunze kumvikanaho amakuru y’abaraswa, baba abasivile banyura inzira za magendu, ndetse kandi n’abasirikare ba RDC baja mu bikorwa byo kwiba n’abandi binjirana imbunda mu Rwanda mu bikorwa by’ubushotoranyi.
Ahanini ibi usanga bikunze kuba mu gihe intambara iba yakomeye muri za teritware za Masisi, Rutshuru na Nyiragongo hagati y’umutwe wa m23 n’igisirikare cya leta ya Kinshasa.
MCN.
