Ibyo wa menya kw’ihunga rya perezida Bashar Al-Assad wamaze kubona ubuhungiro mu Burusiya.
Perezida wa Syria, Bashar Al-Assad n’umuryango we bamaze kugera i Moscow ku murwa mukuru w’i Gihugu cy’u Burusiya, nyuma y’uko imitwe y’itwaje imbunda iyobowe na Tahir al-Sham(HTS) yamuhiritse ku butegetsi.
Ni amakuru yashyizwe hanze n’ibiro ntara makuru by’u Burusiya, TASS, byavuze ko Bashal Al-Assad yahawe ubuhungiro muri iki gihugu cy’u Burusiya.
Ibi byatangajwe kandi n’inyeshamba zo muri Syria ubwo zari zimaze gufata umurwa mukuru Damasiko zigahita zihirika ubutegetsi bwa Bashar Al-Assad.
Zivuga ko ubutegetsi bw’igitugu yari amazeho imyaka mirongo bwarangiye, kandi ko yamaze guhunga igihugu.
Iz’i nyeshamba zakomeje zivuga ko intambara muri iki gihugu yarimaze imyaka 13 nayo yarangiye.
Iz’inyeshamba za kiyisilamu zamaganye u Burusiya na Iran muri Syria n’akarere. Abo bakaba bari abafatanya bikorwa bashyigikiye Assad mu bihe bikomeye byo muri iyi ntambara.
Minisitiri w’intebe wa Israel Benjamin Netanyahu yavuze ko uburyo Israel yagiye ihasha Iran n’abarwanyi ba Hezbollah byagize uruhare runini mu ihirikwa ry’ubutegetsi bwa Bashar Al-Assad.
Hagati aho, ababonye ibyabaye muri Syria bavuze ko abantu babarirwa mu bihumbi bamwe bari mu mudoka abandi bagenzaga ibirenge bari mu murwa mukuru Damasiko bahuriye ku rubuga rwo mu mujyi rwagati bazamura amaboko batera hejuru mu majwi aranguruye bavuga ko babonye ukwishyira ukizana nyuma y’ubutegetsi bw’umuryango wa Bashar Al-Assad bwari bumaze imyaka irenga 20.
Hari abaturage bifotoreje muri perezidansi aho banagaragaye bikoreye bimwe mu bikoresho basanzemo.
Ikindi n’uko inyeshamba zahiritse ubutegetsi zahise zirekura imfungwa zari zifungiye muri gereza nkuru iri mu nkengero z’umurwa mukuru Damasiko. Izafunguwe zabarirwa mu bihumbi.
