Igihugu ca Israel cyirukanye Abanyafrika baherutse guhangana naba Polisi.
Minisitiri w’intebe, Benjamin Netanyahu, yirukanye Abanyafrika baturutse muri Eritrea baherutse guhangana na Polisi, mu myigaragambyo yaranzwe n’amabuye, n’inkoni n’amasasu.
Ni myigaragambyo yabereye mu mujyi wa Tel Aviv tariki ya 2/09/2023, aho abanya Eritrea bashakaga kuburizamo ibirori byari byateguwe na ambasade yabo. Abarenga 140 barimo abapolisi 30 na 11 barashwe barakomereka.
Kuri uyu Mungu tariki 03/09/2023, Benjamin, yatangarije ku rubuga rwa X ko aba banyafrika barenze umurongo utukura.
Ati: “Ibyabaye ejo byabaye kurenga umurongo utukura. Iyi ni imyigaragambyo, ni ukumena amaraso, ni imyigaragambyo tutakwemera.”
Yihanganishije abapolisi bakomeretse, anamenyesha ko abigaragambije bagomba kwirukanwa. Ati: “Turashaka gufatira abigaragambije ingamba zikomeye nuguhita tubirukana. Ndi gusaba itsinda nashyizeho uyu munsi gutegura kwirukana abinjiye muri Israel mu buryo butemewe.”
Muri iyi myigaragambyo, habayeho guhangana kw’abarwanya ubutegetsi bwa Eritrea n’ababushyigikiye. Netanyahu yatangaje ko kubyumva byamugoye. Ati: “Nagowe no kumva uburyo twagirana ikibazo n’abigamba ko bashyigikiye ubutegetsi, ariko bakiyita impunzi.”
Israel icumbikiye Abanyafrika baturutse muri Eritrea bagera ku bihumbi 18. Abenshi muri bo bavuga ko bahunze ubutegetsi bw’igitugu.
By Bruce Bahanda.
Tariki 04/09/2023.