Umuvugizi w’igisirikare ca Republika ya Demokarasi ya Congo, FARDC, mu Ntara ya Kivu y’Amajyaruguru, Lt Col Ndjike Kaiko Guillaume, yacunaguje umurambo w’umusirikare wa FARDC uvuka m’ubwoko bw’Abanyamulenge uheruka kwicwa n’ababo basirikare azira ubwoko bwe Abatutsi.
Biri mw’itangazo ryashizwe hanze n’igisirikare cya Congo, mu Ntara ya Kivu y’Amajyaruguru, rikaba ryashizwe ho umukono na Lt Col Ndjike Kaiko.
Nk’uko bigaragara iryotangazo rifite nimero ya 01.0039.CAB.PP.22
Bagize bati: “Igisirikare cya RDC kibabajwe n’urupfu rw’umusirikare wabo wishwe urupfu rutunguranye uzwi kw’izina rya KANYABUCUKU KANYOVE YUSTO ufite ipeti rya Kapitene(Captain) Matricule :1.70.96-47329.19, wiciwe mu Mujyi wa Goma, mw’ijoro ryo kuri uyu wa Kane, tariki 09 /11/23.”
“Bicyiye mw’itegeko rya Guverineri wa Gisirikare w’Intara ya Kivu y’Amajyaruguru, bwana Major Gen Peter Cirumwami Nkuba, iperereza ryatangiye gukorwa kugirango hamenyekane icyaba cyihishe inyuma y’urupfu rwa kapitene Yusto.”
“Ubuyobozi bw’Intara ya Kivu y’Amajyaruguru, buramenyesha yuko bwamaze guta muriyombi babiri mu bakekwa kwica Captain Yusto ndetse bemejeko bazagezwa imbere y’inkiko, kugirango bazacyirwe urubanza.”
Tubibutsa ko ir’itangazo ryashizwe hanze n’igisirikare ca FARDC mu Ntara ya Kivu y’Amajyaruguru rirashaka kuyobya amarari nimugihe bamaze kwihakana urupfu rwa Captain Gisore Rukatura Kabongo, w’ishwe azira ubwoko bwe Abatutsi yicwa n’Abasirikare ba FARDC bamuhaye abasivile bakamutera amabuye kugeza avuyemo umwuka.
Ir’itangazo ryabitse umusirikare uhari Lt Col Yusto, naho uwa pfuye yishwe urupfu ruteye agahinda birinda kubika Captain Gisore ukomoka mu Minembwe wo m’ubwoko bw’Abanyamulenge wishwe tariki 09/11/2023.
Umusesenguzi w’umunyamulenge Zachee Byinshi Masabo, yasabye Abanyamulenge kuba maso kuko igihugu bakorera gitangiye gucunaguza ababo bishwe bazira uko baremwe.
Captain Kabongo, uheruka kwicwa n’ababo basirikare azira ubwoko bwe Abatutsi, yaramaze igihe kingana n’imyaka 27 akorera leta ya Kinshasa.
Ibi bibaye mugihe kandi kiriya Gisirikare cya RDC gishinjwa kwica Major Serugo wiciwe Kamituga azira ubwoko bwe Abatutsi. Urupfu rwa Captain Rukatura Kabongo, rwibukije Abanyamulenge Major Kaminzobe Joseph wiciwe i Lweba azira ubwoko bwe Abatutsi, aho yavanwe mubandi baramutwika nyuma inyama ze barazirya.
By Bruce Bahanda.