Ihuriro ry’Ingabo za Guverinoma ya Kinshasa, zongeye kwatswaho umuriro zikizwa n’amaguru maze M23 yongera kugira ibindi bice yigarurira.

Kuri uyu wa Gatanu, tariki ya 05/04/2024, habaye imirwano ikaze hagati y’ihuriro ry’ingabo za leta ya Kinshasa n’Ingabo ziyobowe na Gen Sultan Makenga.

Ni imirwano yavuzwe ko yabereye mu duce duherereye ku misozi ya Kitolu, ho muri Localité ya Kibirizi, Cheferie ya Bwito, muri teritware ya Rutshuru, mu Ntara ya Kivu y’Amajyaruguru.

Iyi mirwano bivugwa ko y’umvikanye mo imbunda ziremereye n’izito, nk’uko amakuru ava muri ibyo bice abivuga.

Ay’amakuru avuga ko ingabo za Repubulika ya demokarasi ya Congo n’abazishigikiye ku rwanya M23 kwaribo bagabye ibitero mu birindiro bya M23 biri muri ibyo bice byo muri Localité ya Kibirizi.

Mu makuru yizewe Minembwe Capital News ikesha abaturage baturiye ibyo bice bavuga ko M23 yabashe gusubiza ibyo bitero inyuma ndetse ibasha no kwambura ihuriro ry’Ingabo za RDC imbunda zirimo n’iziremereye, ikaba kandi yabohoje naka gace ka Kitolu.

      MCN