Ihuriro ry’Ingabo z’ubutegetsi bwa Repubulika ya demokarasi ya Congo, ryababajwe mu mirwano igize iminsi ibera mu nkengero za centre ya Kanyabayonga, mu Ntara ya Kivu y’Amajyaruguru.
Ni mu mirwano imaze iminsi irenga icumi ibera mu duce dukikije centre ya Kanyabayonga, iherereye muri teritware ya Lubero na Rutshuru, mu Ntara ya Kivu y’Amajyaruguru, mu Burasirazuba bwa Repubulika ya demokarasi ya Congo.
Amakuru MCN dukesha abasirikare bari muri iyi mirwano avuga ko iz’i ngabo zirwanira ubutegetsi bwa perezida Félix Tshisekedi ko ziheruka kubabarira bikomeye muri iyi mirwano, ndetse ko iyi mirwano imaze kugwamo aba basirikare bo ku ruhande rwa leta ya Kinshasa barenga ibihumbi bitandatu, kandi ko bashobora kurenga.
Ay’amakuru anavuga ko mu mirwano yabereye mu karere ka Mirangi ku mugoroba w’ejo hashize, ko yapfiriyemo abasirikare benshi bo ku ruhande rwa leta ya perezida Félix Tshisekedi, kandi abandi benshi barakomereka harimo n’ababuriwe irengero.
Akandi karere gaheruka kugwamo abasirikare benshi bo ku ruhande rwa leta ni a ka Kyaghala, gaherereye mu majyepfo ashyira uburengerazuba bw’uy’umujyi wa Kanyabayonga.
Nubwo biruko iri huriro ry’ingabo za Guverinoma ya Kinshasa ziracyakomeje kungenzura cantre ya Kanyabayonga, mu gihe M23 yo igenzura uduce twinshi turi mu nkengero z’iyi centre. Nka gace ka Mirangi, Bulindi, Kyaghala n’utundi duce twinshi.
Ku rundi ruhande M23 yafashe ibikoresho byinshi bya gisirikare birimo n’imbunda zirasa kure. Mu mashusho urubuga rwa secret rwashize hanze ku munsi w’ejo hashize, yagaragazaga ibitwaro biremereye uyu mutwe wari wambuye ingabo z’u butegetsi bwa perezida Félix Tshisekedi.
Nk’uko urwo rubuga rwa bitangaje rwavuze ko ibyo bitwaro ko byafatiwe mu bice bya Bwemerimana ho muri teritware ya Masisi.
Izindi mbunda ninshi m23 yazifatiye mu nkengero za centre ya Kanyabayonga.
Tubibutsa ko M23 ikomeje kuja imbere muri ibi bice.
MCN.