Ingabo z’u Burundi ziherutse kurasanira n’itsinda rigizwe n’imbonerakure. Amakuru avuga ko iyo mirwano yabereye hafi n’uruzi rwa Rusizi.
Nkuko iy’inkuru ikomeza ivuga nuko abo basirikare b’u Burundi barwanye nizo mbonera kure bagera muri batanu(5) kurubu bafungiwe mu ntara ya Cibitoke iri mu majy’Aruguru y’uburengerazuba bw’iki gihugu c’u Burundi.
SOS Burundi, yatanze ayamakuru mbere yatangaje ko ay’amakuru ya yahawe n’abo mu nzego z’ishinzwe umutekano. Bikemezwa ko aba basirikare bafungiwe muri kasho ya Polisi yo ku rwego rw’intara ya Cibitoke guhera tariki ya 13/09/ 2023.
Gufungwa kw’aba basirikare barinda umutekano ku ruzi rwa Rusizi, nk’uko amakuru abivuga, kwaturutse ku kuba baragerageje guhagarika Imbonerakure zageragezaga kwambutsa inka 10, zizijyana muri Repubulika ya demukarasi ya Congo, hakabaho kurasana.
Hari umuturage wagize ati: “Imbonerakure zashakaga kwambutsa inka, zi zijyana muri RDC zinyuze mu ruzi rwa Rusizi. Abasirikare barinda ku ruzi bashatse kuzisubiza inyuma, habaho guhangana. Imbonerakure imwe yarakomeretse.”
Uru rubuga ruvuga ko umusirikare umwe mu batawe muri yombi yatorotse kasho ya Polisi muri Cibitoke mu ijoro ryo ku wa 16 rishyira uwa 17/09/2023, kandi kugeza ubu ntaraboneka.
Umushinjacyaha ku rwego rw’intara ya Cibitoke yatangaje ko hatangiye iperereza kuri iki kibazo, ntiyagira icyo yongeraho.
Imbonerakure ziravugwaho gufasha abacuruzi kwambutsa ibicuruzwa mu buryo bwa magendu, ba bijyana cyangwa babivana mu Burundi, kandi ngo ziba zifite intwaro.
Nguko uko byifashe.
By Bruce Bahanda.
Tariki 19/09/2023.
