Imirwano yongeye gukarira ingabo za FARDC muri Kivu Yaruguru.
Umutwe wa M23 umaze igihe ujegeza ubutegetsi bwa perezida Félix Tshisekedi, wongeye kugira utundi duce ubohoza two muri teritware ya Lubero no muri Rutshuru, mu Ntara ya Kivu y’Amajyaruguru.
Mu mirwano yabaye ku gicamunsi cyo kuri uyu wa gatanu tariki ya 01/11/2024, uyu mutwe wa M23 wambuye uruhande bahanganye rurwanirira Leta ya Kinshasa uduce turenga dutatu two muri teritware ya Lubero.
Ni uduce turimo Kikuvo, Katwa n’utundi duherereye muri Grupema ya Bambo ho muri Rutshuru.
Nk’uko iy’inkuru ikomeza ibivuga, muri iyi mirwano yumvikanyemo urusaku rw’imbunda ziremereye n’izito, kandi imara umwanya urenga amasaha atatu impande zombi zirimo guhangana.
Iyi mirwano yabaye nyuma y’indi yarimaze iminsi irenga icyumweru, irimo kubera muri teritware ya Walikale, aho yanasize n’ubundi uyu mutwe wa M23 wigaruriye Localité zirenga zitatu zo muri iyi teritwari.
Usibye kuba M23 yarafashe za Localité zo muri Walikale, yanafashe kandi agace kingenzi ka Pinga kazwiho ko gakungahaye cyane ku mabuye y’agaciro.
Hagati aho impande zombi zikomeje kwitana bamwana mu gutangiza intambara, nubwo bivugwa ko uruhande rwa Leta arirwo nyiribayazana wabyose, ariko bikarangira ruyabangiye ingata.