Abaturiye umujyi wa Uvira, mu Ntara ya Kivu y’Amajy’epfo binubiye Abarundi baje gushakira lisansi muri ibyo bice ari benshi, bikaba byatumye igiciro cyayo kizamuka.
Ni byatangajwe na batwara ibinyabiziga bo mu mu mujyi wa Uvira, aho bavuga ko litilo imwe ya lisansi yavuye ku mafaranga 3,300 y’Amanyekongo ikagera ku 4,000 FRC.
Abashoferi bo muri Uvira basobanuye ko ibura rya lisansi mu gihugu cy’u Burundi ariyo ntandaro yatumye ibi biciro bya lisansi bizamuka ku kigero cyo hejuru, kandi ko atari lisansi yonyine yazamutse gusa ngo kuko n’ingendo z’i modoka zitwara abagenzi zazamuye ibiciro.
Nk’uko babisobanuye n’uko Abarundi bari kuza ari benshi kurangura lisansi muri Uvira barangiza bakayikorera bayijana i Bujumbura ku murwa mukuru w’u bukungu w’iki gihugu cy’u Burundi.
Abanyamakuru b’ijwi ry’Amerika bavuze ko bageze ku mupaka uhuza Congo n’u Burundi bahasanga imodoka zibarirwa mu magana zivuye i Bujumbura zije gushakira lisansi muri Uvira.
Hari kandi n’abacuruzi bikoreye amajerekani ku mitwe abandi bayatwaye
ku magare, bavuye Uvira berekeje i Bujumbura.
Kubera ibiciro bya lisansi biri kuzamuka cane muri Uvira byatumye n’i Baraka naho bizamuka, aho litilo imwe yavuye ku mafaranga 4,000 y’Amanyekongo ija kuri 5,000 naho imisisi litiro imwe igeze ku madolari abiri.
Ingendo hagati ya Baraka na Uvira nazo zazamuye ibiciro.
Nubwo biruko Abarundi n’Abanyekongo bacuruza lisansi ku mupaka w’u Burundi na Uvira bari gukuramo inyungu nyinshi.
Hagati aho ushinzwe peteroli muri Uvira, Ephrem Balagizi yabwiye itangaza makuru ko ikibazo cya Lisansi kitari muri Uvira gusa ngwa hubwo kiri ku Isi hose, kandi ahakana ko kitazamutse kubera kivanwa Uvira kikaja i Bujumbura.
MCN.
